Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◉Gân Goa̍t-hôa
Thò͘-á thò͘-á lí beh khì tòe
Góa beh lâi khì o̍h tha̍k-chheh
Lí khì ha̍k-hāu o̍h siáⁿ-hòe
Siá-jī ōe-tô͘ Tâi-oân ōe
Thò͘-á thò͘-á lí beh khì tòe
Góa beh lâi khì ūn-tōng-hōe
Lí beh hām lâng pí siáⁿ-hòe
Hām ku cháu-pio bih-sio-chhōe
Thò͘-á thò͘-á lí beh khì tòe
Góa beh lâi khì khoán nî-hòe
Thn̄g-á piáⁿ-á kap tiⁿ-kóe
Kui-ke thoân-îⁿ ûi chò-hóe
Thò͘-á thò͘-á khui sim-hoe
Kiâⁿ-chhun pài-nî lin-long-poe
Chiok lín kiān-khong lâi sio tòe
Pêng-an sūn-lī thàu nî-bóe
