228事件65週年紀念

◎許隼夫

◆回顧歷史慘痛 &ecirc 傷痕

◆謹記歷史嚴厲 &ecirc 教訓

228了後，國民黨政府繼續高壓統治，實施戒嚴法、白色恐怖；借剿滅匪諜&ecirc名義，將異議分子掠起來，送去火燒島。利用高壓、恐嚇、重刑使人民驚惶，怒不敢言，對社會公眾事務不敢過問，5、60年久。雖然戒嚴法已經解除，政黨也bat輪替，228 kap白色恐怖&ecirc後遺症猶原親像魔影遮蓋台灣人民。總是，咱呣通bo?記得這個悲慘、殘忍&ecirc歷史，咱著不時會記得這個罪惡&ecirc教訓。咱會當赦免，但是毋通放未記得。咱著逐時逐刻記得這個罪惡悲慘&ecirc事實使咱毋通koh再犯這這個錯誤。

◆用愛 kap 饒恕創造希望

今仔日咱來紀念228，毋是beh khioh恨，毋是beh報復。咱著化悲慟為力量。咱著用愛心來赦免，除去咱心中&ecirc怨恨，將歷史&ecirc傷痕包起來。合力用相愛、尊重、合作kap包容來相對待。用和平來聯合原住民、客家人、河洛人、國語人和睦相處。大家做伙來覺醒，來學習放棄中國文化&ecirc &agraveu步，撿回台灣人老實、勤儉、相愛、互助&ecirc精神。合力來重新恢復台灣人&ecirc心靈kap文化，做伙來創造台灣光明&ecirc未來。

◆以公義和平改變台灣

228紀念碑kap 228紀念館佇台灣逐所在攏建立起來。228記念&ecirc主題是「公義和平」。這擺台灣總統大選，蔡英文也用「公平正義，改變台灣」做競選訴求。今仔日咱做伙來記念228，希望重新建設台灣&ecirc未來。咱愛志願對咱家己做起，佇咱&ecirc家庭、社區中做到m&agravei怨恨、m&agravei歧視、m&agravei批評、m&agravei傷害，互相包容、尊重異己。用愛心、持公平，好公義、愛和平來起造家己&ecirc心靈，使台灣人佇世界上成為一等公民。大家做伙打拚來建造咱&ecirc故鄉台灣，通佇世界上成為一個新koh獨立&ecirc國家。願咱逐人所信&ecirc神，施恩賜福咱&ecirc故鄉台灣。

(作者為退休牧師，本文為今年休士頓228紀念會短講詞）