【台文世界】Pē-bú ê Sim-siaⁿ

Image by rawpixel.com on Freepik.

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀


◉Iûⁿ Hí-oān

Sim-koaⁿ-á-kiáⁿ hiòng chiân kiâⁿ
M̄-bián kiaⁿ m̄-bián hiâⁿ
Goán ē iōng-sim kā lí chhiâⁿ
Kā lí sioh-miā-miā

Sim-koaⁿ-á-kiáⁿ hiòng chiân kiâⁿ
Jîn-seng ū kiâm-sng khó͘-chiáⁿ
Jīn-bat ka-tī kah-ì siáⁿ
The̍h chhut ióng-khì jīn-chin piàⁿ

Sim-koaⁿ-á-kiáⁿ hiòng chiân kiâⁿ
M̄-bián kiaⁿ m̄-bián hiâⁿ
M̄-bián kah lâng cheⁿ su-iâⁿ
Lí sī sè-kài tē-it-miâ

Sim-koaⁿ-á-kiáⁿ hiòng chiân kiâⁿ
Lí siong-sim kan-khó͘ ê khàu-siaⁿ
Hō͘ goán sim-lāi ū iáⁿ thiàⁿ
Pa̍t-lâng ê ōe lí tio̍h thiaⁿ

Sim-koaⁿ-á-kiáⁿ hiòng chiân kiâⁿ
Goán sī lí éng-oán ê khò-soaⁿ
Thiám tio̍h ē-kì-tit khò hōaⁿ
Hō͘ lí un-loán bōe ko͘-toaⁿ

廣告/手到心至抄寫本-箴言

我有話要說