Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎Sih Chì-kéng
Góa kok-hāu pàng-o̍h tò–lâi kàu chhù, chheh-phāiⁿ-a khǹg leh, ū-sî mā ài sái gû-chhia khì kàu kūn-hái, hia sī tek-pâi-ā kò ē kàu ê só͘-chāi, beh chiong tāng-thûi-thûi ê ô-pô͘ pôaⁿ-chài tńg–lâi.
Óng-óng tùi thiⁿ iáu-bē àm, it-ti̍t tán-kàu ji̍t-thâu beh lo̍h hái, siâng-sî gû-chhia mā ài tòe hái-chúi ná im ná thè-āu.
Khòaⁿ pa̍t-lâng lóng tńg–lâi, ba̍k-chiu kè-sio̍k niau-niau-khòaⁿ. Hit-sî thiⁿ í-keng àm, kan-ta gû kap chhia pôe-phōaⁿ góa, góa ê sim mā chiâⁿ kiaⁿ-hiâⁿ.
Hn̄g-hn̄g khòaⁿ tio̍h pē-bú sêng-siang ê lâng-iáⁿ, chiah chiong sim lâi pàng hō͘ tiāⁿ.
