Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎姚志龍
Chū chá eng-hiông chhut siàu-liân
Thoân-sêng su-iàu tiōng hùn-liān
Phìn-phóng iá-kiû phah tiān-tōng
Chiah ē sêng-chiū it-phiàn thian
Sū-sū hāng-hāng su thoân-sêng
I-liâu kàu-io̍k ji̍t-ji̍t cheng
Lông-gia̍p ióng-si̍t ji̍t chìn-tián
Sán-gia̍p kho-ki chē cheng-eng
Chèng-tī sui-bóng hun kúi pêng
Hō͘-siong khian-chè mài cháu-cheng
Su-iàu chiat-chè kap lí-sèng
Chū-iû bîn-chú tōa chìn heng
Chhui-sak bó-gí bē-sái thêng
Siau-iûⁿ sok-tō͘ ài kéng-séng
Bûn-hòa khoân-pó leh hoat-tián
Siàu-liân tâu-ji̍p chhui hiòng chêng
Hiān-sî hì-iām iáu liû-hêng
Kò͘-siú kiān-khong sim kian-tēng
Hông-chí kûn-chū tiōng ōe-seng
Chóng ū chi̍t kang ē tek-sèng
自早英雄 出少年
傳承需要 重訓練
乒乓野球 拍電動
才會成就 一片天
事事項項 需傳承
醫療教育 日日精
農業養殖 日進展
產業科技 濟精英
政治雖罔 分幾爿
互相牽制 莫走精
需要節制 佮理性
自由民主 大進興
推捒母語 袂使停
消溶速度 愛警醒
文化環保 咧發展
少年投入 推向前
現時肺炎 猶流行
顧守健康 心堅定
防止群聚 重衛生
總有一工 會得勝
