五月節

◎蘇晏德

五月初五肉粽節
阿媽縛粽來送禮
肉粽毋通食傷濟
若無嘛會傷身體

五月初五縛肉粽
相招做伙掛香芳
香芳會當趕蠓蟲
予咱豐收好年冬

五月初五扒龍船
鑼鼓齊響有氣氛
拚看啥人著冠軍
祝咱風調閣雨順

五月初五來插艾
保咱身體較勇健
逐家插艾佇門埕
台灣平安向前行

Gō͘-goe̍h chhe-gō͘ Bah-chàng-cheh
A-má pa̍k-chàng lâi sàng-lé
Bah-chàng m̄-thang chia̍h siuⁿ-chē
Nā-bô mā-ē siong sin-thé

Gō͘-goe̍h chhe-gō͘ pa̍k bah-chàng
Sio-chio chò-hóe kòa hiuⁿ-phang
Hiuⁿ-phang ē-tàng kóaⁿ báng-thâng
Hō͘ lán hong-siu hó-nî-tang

Gō͘-goe̍h chhe-gō͘ pê-lêng-chûn
Lô-kó͘ chê-hiáng ū khì-hun
piàⁿ khòaⁿ siáⁿ-lâng tio̍h koan-kun
Chiok lán hong-tiâu koh ú-sūn

Gō͘-goe̍h chhe-gō͘ lâi chhah-hiāⁿ
Pó lán sin-thé khah ióng-kiāⁿ
Ta̍k-ke chhah-hiāⁿ tī mn̂g-tiâⁿ
Tâi-oân pêng-an hiòng-chêng-kiâⁿ

廣告/手到心至抄寫本-箴言

我有話要說