Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎鄭加典
素蘭小姐欲出嫁
嫁予對面老頭家
頭家辦桌請人客
鬧熱滾滾真e-kheh
毋管年紀大抑小
毋管學歷高抑低
毋管錢財偆偌濟
相親相疼上實際
夫妻生活學問濟
相chèⁿ相罵永永會
千萬毋通硬抵硬
互相相讓風雨晴
婚前一切攏放下
婚後變成作一體
雙人同心抾整齊
共同起造新ê家
Sò͘-lân sió-chiá beh chhut-kè
kè-hō͘ tùi-bīn lāu thâu-ke
Thâu-ke pān-toh chhiáⁿ-lâng-kheh
Lāu-jia̍t kun-kun chin e-kheh
M̄-koán nî-kí tōa a̍h sè
M̄-koán ha̍k-le̍k koân a̍h kē
M̄-koán chîⁿ-châi chhun jōa-chē
Saⁿ-chhīn saⁿ-thiàⁿ siōng si̍t-chè
Hu-chhe seng-oa̍h ha̍k-būn chē
Sio-chèⁿ sio-mē éng-éng ē
Chhian-bān m̄-thang ngē-tú-ngē
Hō͘-siong sio-niū hong-hō͘ chêⁿ
Hun-chêng it-chhè lóng pàng-hē
Hun-āu piàn-chiâⁿ chòe chit-thé
Siang-lâng tâng-sim khioh chéng-chê
Kiōng-tông khí-chō sin ê ke
