情人節

Photo credit: Caden Crawford / CC BY-ND

◎蘇晏德

七月初七情人節
甜言蜜語有夠濟
情話綿綿講規暝
今生只愛你一个

Chhit-goe̍h chhe-chhit Chêng-jîn-cheh
Tiⁿ-giân-bi̍t-gí ū-kàu chē
Chêng-ōe mî-mî kóng kui-mê
Kim-seng chí ài lí chi̍t-ê

七月初七的暗暝
攑頭仰望看天星
恩愛情人譜情詩
孤單男女心稀微

Chhit-goe̍h chhe-chhit ê àm-mî
Gia̍h-thâu gióng-bōng khòaⁿ thiⁿ-chhiⁿ
Un-ài chêng-jîn phó͘ chêng-si
Ko͘-toaⁿ lâm-lú sim hi-bî

七月初七來約會
雙人牽手行做伙
糖甘蜜甜訴情話
男女相約來賞花

Chhit-goe̍h chhe-chhit lâi iok-hōe
Siang-lâng khan-chhiú kiâⁿ chò-hóe
Thn̂g-kam bi̍t-tiⁿ sò͘ chêng-ōe
Lâm-lú siong-iok lâi siúⁿ-hoe

七月初七會情人
期待促成好婚姻
山盟海誓愛守信
共渡良宵好落眠

Chhit-goe̍h chhe-chhit hōe chêng-jîn
Kî-thāi chhiok-sêng hó hun-in
San-bêng hái-sè ài siú-sìn
Kiōng-tō͘ liông-siau hó lo̍h-bîn

廣告/聖經充滿我-經文填充本

我有話要說