Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎姚志龍
春天涼爽 好天氣
陣陣清風 搖樹枝
上課 真緊袂記得
來去 百貨公司
食好料 看好物
這款日子 上佮意
夏天歇熱 較無聊
厝內 關袂牢
所費 真緊開了了
阿爸交待 袂使跋筊
作業 寫袂了
暗矣 來「睡覺華語」
秋天心情 親像詩
學期 拄開始
上網 耍袂離
野外遊賞 無趣味
等我 趁大錢
逐个親人 有福利
冬天寒風 冷吱吱
連鞭欲 過年
團圓 歡歡喜喜
阿公阿媽 「恭喜華語」
紅包收著 足歡喜
哈哈過年 有福氣
Chhun-thiⁿ liâng-sóng hó thiⁿ-khì
Chūn-chūn chheng-hong iô chhiū-ki
Siōng-khò chin-kín bē kì–tit
Lâi khì Pah-hòe kong-si
Chia̍h hó-liāu khoàⁿ hó-mi̍h
Chit-khoán ji̍t-chí siāng kah-ì
Hē-thiⁿ hioh-joa̍h khah bô-liâu
Chhù lāi koaiⁿ bē tiâu
Só͘-hùi chin-kín khai-liáu-liáu
A-pa kau-tài bē-sái poa̍h-kiáu
Chok-gia̍p siá bē-liáu
Àm–ah lâi “sóe chiáuHoâ-gí”
Chhiu-thiⁿ sim-chêng chhin-chhiūⁿ si
Ha̍k-kî tú khai-sí
Chiūⁿ bāng sńg bē-lī
Iá-gōa iû-siúⁿ bô chhù-bī
Tán góa thàn tōa chîⁿ
Ta̍k ê chhin-lâng ū hok-lī
Tang-thiⁿ hân-hong léng-ki-ki
Liâm-piⁿ beh kòe-nî
Thoân-îⁿ hoaⁿ-hoaⁿ hí-hí
A-kong a-má “kong sîHoâ-gí”
Âng-pau siu tio̍h chiok hoaⁿ-hí
Hah hah kòe-nî ū hok-khì
