Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎Lōa Phek-chhong
Goán chhù-piⁿ-tau ū chhī chi̍t chiah káu-á, ta̍k-pái nā sī pùn-sò-chhia lâi, thiaⁿ tio̍h “Siàu-lú ê Kî-tó” chit tiâu im-ga̍k ê sî tō ē khai-sí chhoe-káu-lê, chhoe kah chin jīn-chin, chit sî i ê chú-lâng kám-kak chin pháiⁿ-sè, tō ē tōa siaⁿ hoah “sí káu-á, lí sī tio̍h sí-káu-á-che oh, tiām-tiām lah, bái káu sià chú-lâng”, m̄-kú hit chiah káu-á nā m̄-sī thiaⁿ bô chú-lâng ê ōe tō sī im-ga̍k siuⁿ hó thiaⁿ, nā bô lia̍h tio̍h ki-hōe chò-hóe ha̍p-chhiùⁿ si̍t-chāi sī tòng-bōe-tiâu, tō án-ne it-ti̍t chhoe-káu-lê, ti̍t kàu bô thiaⁿ tio̍h im-ga̍k chiah pàng-soah. Kóng si̍t-chāi góa chin khim-phòe chit chiah jīn-chin koh ū un-sù ê káu-á, kiàn-gī Tâi-tiong chhī-chèng-hú ē-tàng jīn-chin khó-lū khòaⁿ-māi, iōng siàu-lú ê kî-tó phòe-ha̍p chhoe-káu-lê ê siaⁿ-im lâi chò pùn-sò-chhia ê im-ga̍k, án-ne chit-khoán ê hāu-kó eng-kai sī it-lia̍p-it, bô-tek-khak ē hong-tōng kui Tâi-oân neh!
