在場ê信眾是hō͘ Lô-liân-chō͘值得呵咾ê行為驚著，較早彼个破戒ê代誌猶是刻佇逐家ê心肝底無放袂記得。隨就有各種ê批評聲，嘛佮風仝款一下仔囝就傳透透。譬如講「真正ê爸仔囝情是袂當否認ê，家己犯罪閣遐爾袂見笑，猶敢出現佇眾人面前ê Lô-liân-chō͘，攏是為著欲救家己ê囝chiah chông入去火場ê。」逐个人攏kā罵。做雨傘ê老大人嘛是仝款，掠著Lô-liân-chō͘ ê形姿金金看，心肝是感覺誠怪奇閣確實藏袂牢，就按呢徛也毋是坐也毋是，心肝鬱卒大聲喝出來。