Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎翁博文
馬太福音第1章
耶穌基督ê家譜
耶穌基督ê家譜，出對歷代ê列祖
亞伯拉罕生以撒，以利亞撒生馬但
俄伯生耶西，耶西生大衛王
馬但ê子是雅各，雅各ê子是約瑟
約瑟是馬利亞ê丈夫，約瑟娶馬利亞是在室
馬利亞生基督耶穌，馬利亞是耶穌ê老母
對亞伯拉罕到大衛，共十四代
對大衛到以色列受lia̍h到巴比倫iā十四代
對受掠到巴比倫到基督耶穌ê時代，閣十四代
童女馬利亞在室，已經做定著約瑟
約瑟猶未娶過門，就對聖神有sin-īn
約瑟暗靜欲廢親，並無佮她相親近
夢中使者來指示，著娶過門才合宜
約瑟無疑遵主命，娶伊入門心平靜
在室女懷孕生子，就叫伊名做耶穌
拯救人類出罪惡，救世主就是耶穌
馬太福音第10章
耶穌差派使徒傳福音
十二使徒名有別，西門彼得安得烈
其餘十個咱攏知，出賣耶穌是猶大
十二使徒使命濟，耶穌吩咐每一個
著傳天國醫治人，死人復活有盼望
互thái-ko ê得清氣，趕鬼離開人ê身
行裝輕便無重擔，住宿lim食厝家擔
親像chiⁿ-á ê 純良，到處持防免受傷
害死身軀毋免驚，雀鳥落地父母成
靈魂滅亡恁著驚，bē得永生入天城
眾人面前認基督，天父認他佇天國
著背十架跟隨主，永生活命主賞賜
接納事奉主基督，通得報賞享安樂
