【母語世界】國會亂象

Kok-hōe Loān-siōng

(相片提供/Freepik)

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

◎鄭加典

國會亂象百百款  Kok-hōe loān-siōng pah-pah-khoán
國會委員無齊全  Kok-hōe úi-oân bô chê-choân
放落國家總預算  Pàng-lo̍h kok-ka chóng-ū-soàn
一切為選舉打算  It-chhè ūi soán-kí tá-soàn
為政治自肥自專  Ūi chèng-tī chū-hûi chū-choan
無心建設咱台灣  Bô sim kiàn-siat lán Tâi-oân

有的意氣毋甘願  Ū ê ì-khì m̄ kam-goān
欲將議事來舞亂  Beh chiong gī-sū lâi bú loān
不肯協調求圓滿  M̄ khéng hia̍p-tiau kiû oân-boán
欲將議事來停轉  Beh chiong gī-sū lâi thêng choán
同歸於盡的不滿  Tông-kui-î-chīn ê put-boán
打算毀滅咱台灣  Phah-sǹg húi-bia̍t lán Tâi-oân

有的更加毋是款  Ū ê kèng-ka m̄-sī-khoán
濫用委員的職權  Lām ēng úi-goân ê chit-koân
推翻法案的本源  Thui-hoan hoat-àn ê pún-goân
侮辱司法的機關  Bú-jio̍k su-hoat ê ki-koan
巴結中國歹手腕  Pa-kiat Tiong-kok pháiⁿ chhiú-oán
意圖出賣咱台灣  Ì-tô͘ chhut-bē lán Tâi-oân

國會運轉歹求全  Kok-hōe ūn-choán pháiⁿ kiû choân
懇求上主來保全  Khún-kiû Siōng-chú lâi pó-choân
感動有志的人選  Kám-tōng iú-chì ê jîn-soán
提出明理的判斷  The̍h-chhut bêng-lí ê phòaⁿ-toàn
逐家同心來扭轉  Ta̍k-ke tâng-sim lâi niú-choán
一切為著咱台灣  It-chhè ūi-tio̍h lán Tâi-oân

廣告/典藏筆記奉獻專案

 

我有話要說