◎郭品妤
細漢的時陣，我上佮意食阿媽做的包仔，所以阿媽常常會做包仔予我食。小弟常常參我相搶肉包，阿媽伊誠gâu煮食，食著阿媽做的包仔，我感覺足幸福！
有時陣，我會感覺家己是世界上幸福的人，因為毋管是佮朋友作伙去耍，抑是佮厝內的人出去旅遊，攏會予我留落真濟美好的回憶。譬如頂一擺我佮阿姊作伙去看風景，hit時陣是下晡，阮看著美麗的夕陽，空氣足新鮮，予阮感覺非常輕鬆。
我真愛chhit-thô，若會當每一工攏是歇睏日，毋免去學校讀冊，我想我一定是上幸福的囡仔。我感覺幸福就是愛好好把握眼前的美好，好好珍惜身軀邊的人。
