看透萬項事的審判者

林芳仲

大家平安:

感謝主,上帝佇各世代看顧祂的百姓,有宣教師來台灣藉著醫療負起基督福音的使命,也留落好的模樣及精神,使咱通學習來經營馬偕醫院。

不過,久久以來馬偕醫院漸漸陷落佇黑暗惡勢力的危機當中,沒有遵守上帝的旨意,濫糝用「自我權力」來操作,結黨爭權奪利,人性的腐敗所帶來的後果,使馬偕醫院內部產生多多的問題,失去信仰的品德及道德的良知。

馬偕醫院需要重新整頓,這次選出的院長是不是適合帶領馬偕醫院,必須重新慎重嚴格監督與審查,免得受不義的人控制,來危害影響馬偕醫院的發展。千萬不可出賣自己,對自己有忠心就是盡忠佇上帝。啟示錄1章14節及16節:「伊的目睭親像火燄。」「對伊的嘴吐出雙面利的劍;伊的面貌親像炎日射出光。」主的話也向現今的咱講,主是看透萬項事的審判者,善與惡、好與壞的鬥爭總是會顯明,一切攏在佇上帝的主權。

上帝所歡喜的是誠實與盡忠的人,才有資格堪得擔任馬偕醫院的任何職務,馬偕醫院是為著主的名所設立的醫院,向望大家謹慎自己,用公義、良善與主同行處理馬偕醫院的問題,作一個盡忠的奴僕來管理馬偕醫院,這是咱受託的責任與使命。
(作者為台灣基督長老教會總會總幹事)

廣告/美好腳蹤368認購

2 意見

我有話要說