公投綁大選

林家睿

選前候選人走攤趕宣傳，
政治獻金募款愛人捐，
造勢暗會，政見發表會一場一場辦，
宣傳車四界放送擴音機大聲彈，
走路工無閒刺刺發文宣，
抹烏、買票……謠言四界傳。

11月24日選民執行神聖的投票權，
用選票選擇理想的民意代表佮官員，
本次大選閣綁公投案，
公投攏總有十案。

等等等，
選民等kah有夠煩，
有人受氣kah選票拆掉烏白撣。

慢慢慢，
排隊隊伍躼躼長拖著濟濟人的時間，
引發不滿的民怨，
負責的官員被人訕。

亂亂亂，
唱票跳過讓過執行無完全，
開票開kah三更夜半，
那投票那開票，那會變這款？

媒體選情報導趕緊傳，
韓流吹遍全台灣，
風水輪流轉，
一夜之間綠地變藍天，
是藍是青勝敗攏無管，
上重要是逐家攏愛愛台灣。

請咱逐家毋通閣再冤，
選舉是一時生活是永遠，
希望當選的民意代表佮官員，
趕緊實現政見毋通緩，
通乎國泰民安，
生活安定人人有錢趁。
（作者為基督徒）