趙振弍
主後1945年，有一大陣中國人戰敗退來台灣。
坐船對基隆港口上（chiūn）岸。
這些外地來的人佇文化上、生活上與本地人bōe契合，
致使中國人與本地人真bōe適應，也產生多多誤會。
佇1947年的頭人派兵過來攻擊本地人，
台灣有真多菁英被槍殺、被關監，造成二二八大事件。
將近40年久的戒嚴、警總的耀武揚威逼害多多人，
造成台灣人民住佇不安全、受威脅的專制獨裁的歲月中。
台灣有真多覺醒的人士起來喊喝（hán-hoah）自由、民主的制度，
對農民、勞工、婦女與真多黨外人士強烈打破戒嚴與威權。
長老教會甚至主張促請政府乎台灣成做一個新而獨立的國家，
先知性的行動，開始舉辦二二八平安禮拜，主張真相、公義與和平。
但是台灣猶未壯大，用臭酸的「中華民國」維持現狀，
進入聯合國的寄望與普世的期待，成做一代人的向望。
二二八事件的72年後，台灣教會願意做伙來種一欉「疼」的樹，
彼（hit）欉樹不是一種怨恨的樹。
阮知影有真相才有公義，有公義才有和平，
阮決意beh用寬恕來醫治bōe當（tàng）諒解的怨恨。
（作者為退休牧師）
