陳堅強
內政部tùi明年10月起，更新國民身分證。根據報導，名稱無aì採用多數意見ê「台灣國民身分證」，卻beh採用46人少數意見ê「中華民國國民身分證」。這是民主倒退，獨裁復辟，阮非常失望，感覺自尊心受辱。
中華民國是戰後盟軍派來占領台灣ê盟國一員而已，但是蔣介石無等待和平條約締結，就tī1946年1月公布台灣為中華民國一省，私吞台灣領土。又將台灣住民ê日本國籍改為中華民國國籍。Chiah-ê攏是嚴重違反國際法。軍事占領變成竊占領土，曾受盟國責備。
中華民國是中國ê舊國號，是竊占台灣領土ê賊。政府卻beh tī身分證頂面冠上中華民國，強迫台灣人民認賊做父，侮辱台灣人民，阮堅決反對！《舊金山和約》第二條第2款規定：「日本茲放棄台灣及澎湖群島的一切權利，權稱名義與要求。」並無「依開羅宣言規定，台灣、澎湖群島歸返中（華民）國」ê條文。這是「台灣非中國領土」ê鐵證，突顯了中華民國竊占台灣領土ê事實。
《舊金山和約》並無為蔣介石違反國際法，私吞戰利品台灣領土來背書追認。照和約規定，日本只是放棄台灣領土而已，台灣並無歸屬任何盟國。換一個角度來講，台灣領土應該是50個盟國公家ê，無可能hō͘違法在先ê中（華民）國獨得，這是和約ê公義精神，mā是「台灣國際地位未定論」ê 由來。
台灣當然m̄是中華民國。1971年ê聯合國2758號決議案是解決中國代表權ê問題，m̄是要求台灣退出聯合國。其內容簡單講是「驅逐蔣介石ê非法代表，接納中華人民共和國ê代表為中國在聯合國ê合法代表」。2758號決議案，siâng時mā 突顯中華民國tī台灣是非法ê存在。此後國際上，無人閣再稱呼台灣是中華民國。台灣就是台灣，這是咱ê正名，tī國際上咱得用台灣之名進出。
蔣家王朝ê非法統治時代tī1988年蔣經國死亡，已告終焉。台灣這30年來，有迅速ê演變，已經進入民主台灣時代。在國際上咱無法度hō͘人承認做國家，應該講是符合國際法及聯合國憲章有關規定。台灣ê民選政府應該帶領台灣人民，以民主台灣之名行入去國際社會才是正途。
阮唾棄害台灣將近四分之三世紀ê「中華民國」，阮拒領「中華民國國民身分證」，阮有權利要求政府hō͘阮領「台灣國民身分證」，亦hō͘阮選台灣總統！這是阮台灣人民ê基本人權。 （作者為前高雄縣農業局長）
