快樂七月時

姚志龍

(請安裝Taigi Unicode字形，配合Firefox瀏覽器可閱讀)

世間濟禁忌
有主佇心 nih
時時免憢疑
逐日好日子
無驚惶真如意
平安七月時

出外行踏照規矩
交通禮讓莫著急
運動耍水愛注意
山谷溪流佮海邊

世事粗心大意
啉水嘛會哽死
凡事觀察注意
意外會閃較離

事先有準備
閃過風颱天
穩重減危機
七月無禁忌
人少較趣味
快樂七月時

Sè-kan chē kìm-khī
Ū Chú tī sim–nih
Sî-sî bián giâu-gî
Ta̍k-jt hó jt-chí
Bô kiaⁿ-hiâⁿ chin jû-ì
Pêng-an chhit-goe̍h sî

Chhut gōa kiâⁿ ta̍h chiàu kui-kí
Kau-thong lé-jiōng mài tio̍h-kip
Ūn-tōng sńg súi ài chù-ì
Soaⁿ-kok khe-liû kap hái-piⁿ

Sè-sū chho͘-sim tāi-ì
Lim chúi mā-ē kéⁿ–sí
Hoân-sū koan-chhat chù-ì
Ì-gōa ē siám khah lī

Sū-sian ū chún-pī
Siám kòe hong-thai thiⁿ
Ún-tiōng kiám gûi-ki
Chhit-go̍eh bô kìm-khī
Lâng chió khah chhù-bī
Khoài-lo̍k chhit-goe̍h sî