(請安裝Taigi Unicode字形,配合Firefox瀏覽器可閱讀)
作者:李佳柔
火金星飛上天
像天星閃熾熾
火金星滿連天
成火星走相覕
天暗時景緻美
小天星滿滿是
風秋凊好天氣
小火星自由去
火金星點燈火
四界去颺颺飛
火金星若燈火
玲瓏踅覕相揣
尻川尾雙葩火
用金火講情話
尾交尾結做伙
你到 toeh 我到 toeh
Hóe-kim-chhiⁿ poe chiūⁿ thiⁿ
Chhiūⁿ thiⁿ-chhiⁿ siám-sih-sih
Hóe-kim-chhiⁿ móa liân-thiⁿ
Sêng hóe-chhiⁿ cháu sio bih
Thiⁿ-àm sî kéng-tì bí
Sió thiⁿ-chhiⁿ móa-móa sī
Hong chhiu-chhìn hó thiⁿ-khì
Sió hóe-chhiⁿ chū-iû khì
Hóe-kim-chhiⁿ tiám teng-hóe
Sì-kè chhōe iāⁿ-iāⁿ-poe
Hóe-kim-chhiⁿ ná teng-hóe
Lin-lōng-se̍h bih-sio-chhōe
Kha-chhng bóe siang pha-hóe
Ēng kim-hóe kóng chêng-ōe
Bóe kau bóe kat chò-hóe
Lí kàu toeh góa kàu toeh