作者:吳春滿
火金蛄踅大路 Hóe-kim-ko͘ se̍h tōa-lō͘
電火肚來照路 Tiān-hóe tō͘ lâi chiò lō͘
毋驚天烏烏 M̄ -kiaⁿ thiⁿ-o͘-o͘
趕緊來拍鑼鼓 Koáⁿ-kín lâi phah lô-kó͘
娶媠某來照顧 Chhōa súi-bó͘ lâi chiàu-kò͘
趁錢袂艱苦 Thàn-chîⁿ bē kan-khó͘
火金蛄睏袂去 Hóe-kim-ko͘ khùn-bē-khì
緊準備看大戲 Kín chún-pī khoàⁿ tōa-hì
看甲笑眯眯 Khoàⁿ kah chhiò-bî-bî
天頂星塗跤爍 Thiⁿ-téng chhiⁿ thô͘-kha sih
棚頂戲真趣味 Pêⁿ-téng hì chin chhù-bī
有影真趣味 Ū-iáⁿ chin chhù-bī