月仔佇天頂、明亮的月

25

(請安裝Taigi Unicode字形,配合Firefox瀏覽器可閱讀)

姚志龍

月仔佇天頂

月娘光光佇天頂
初一十五照真明
氣候翕熱難犁耕
月光暝仔緊栽種

月仔自早佇天頂
中秋彼暝上界清
雖有烏雲烏反光
歲月不停日日增

但願人心像月明
世事金銀如煙境
普照世人真公平
心胸開闊毋免爭

主入我心得平靜
學伊款式得主榮
待人處事如明月
留落好名心安寧

Goe̍h-niû kng-kng tī thiⁿ-téng
Chhe-it cha̍p-gō͘ chiò chin bêng
Khì-hāu hip-joa̍h lân lê-keng
Goe̍h-kng mê-á kín chai-chèng

Goe̍h-á chū-chá tī thiⁿ-téng
Tiong-chhiu hit-mê siāng-kài chheng
Sui ū o͘-hûn o͘ hoán kng
Sòe-goa̍t put-thêng jt-jt cheng

Tān goān jîn-sim chhiūⁿ goa̍t-bêng
Sè-sū kim-gîn jû ian-kéng
Phó͘-chiàu sè-jîn chin kong-pêng
Sim-heng khui-khoah -bián cheng

Chú jp goá sim tit pêng-chēng
Oh I khoán-sit tit chú êng
Thāi-jîn chhú-sū jû bêng-goa̍t
Lâu lo̍h hó miâ sim an-lêng

 

明亮的月

月仔,你真光明
時圓 時如弓
年日 雖改變
你攏 佇天頂

月仔,你真恬靜
靜觀 世事變
厚雲 過就清
你攏 無改變

月仔,你溫暖情
光照 埕斗前
遙遙 託心事
眺望 故鄉形

月仔,你佇天頂
有你 我心靜
談天 或寂寞
光線 入心胸

月仔,你真光明
光照 地面頂
心願 向你說
願 天下和平

月仔,你安心靈
望你 多照明
月光 心即清
事事 就會成

Goe̍h-á, lí chin kng-bêng
Sî îⁿ sî jû keng
Nî-jt sui kái-piàn
Lí lóng tī thiⁿ-téng

Goe̍h-á, lí chin tiām-chēng
Chēng koan sè-sū piàn
Kāu hûn kòe chiū chheng
Lí lóng bô kái-piàn

Goe̍h-á, lí un-loán chêng
Kng chiò tiâⁿ-táu chêng
Iâu-iâu thok sim-sū
Thiàu-bōng kò͘-hiong hêng

Goe̍h-á, lí tī thiⁿ-téng
Ū lí goá sim chēng
Tâm-thian he̍k chek-bo̍k
Kng-soàⁿ jp sim-heng

Goe̍h-á, lí chin kng-bêng
Kng chiò tē-bīn téng
Sim goān ǹg lí soeh
Goān thian-hā hô-pêng

Goe̍h-á, lí an sim-lêng
Bāng lí to chiàu bêng
Goe̍h kng sim chek chheng
Sū-sū chiū ē sêng

我有話要說