【少年新眼光台文】將上主定型?

Chhiáⁿ an-chong Taigi Unicode jī-hêng, phòe-ha̍p Firefox Browser lâi tha̍k.
請安裝Taigi Unicode字形,配合Firefox瀏覽器來讀。

年新眼光 2021年1月5日

Iok-pek-kì(約伯記) 4:1─5:27

看 ah,上帝所警戒 ê,hit 人有福氣;所以 m̄-thang 看輕全能 ê ê 督責。因為伊 hō͘ 人痛疼,就 kā 伊包密;伊傷人,也伊 ê 手醫好伊。伊 beh 救你,tī 六 pái ê 患難;就若七 pái,災害也無磕 tio̍h 你。…… 你 beh 知你 ê 布棚平安;你 beh 去看你 ê 羊椆 lóng 無欠缺。你也 beh 知你 ê kiáⁿ 孫 chōe-chōe,你 ê 後裔親像地上ê青草。你 beh 歲壽滿足 chiah 歸墓,親像稻綑到時收 khǹg。看 ah,這阮有查到徹底,實在是 án-ni;你 tio̍h 聽,知是做你 ê 利益。 Iok-pek-kì  5:17─19

將上主定型?

以利法想講約伯已經遇到信仰危機,所以,以利法想欲運用傳統 ê 箴言去說服約伯接受伊家己 ê 處境,引領約伯恢復 kap 上主、 kap 社會以及 kap 自然 ê 整全關係。以利法步數大概是按呢:重述濟濟過來人 ê 經驗、引述對相關傳統箴言中得到 ê 真理、想辦法苦勸約伯改變心意去接受真實 ê 情形、koh 講設使約伯接受以利法 ê 智慧,約伯就通得到解脫。

「看 ah,上帝所警戒 ê,hit 人有福氣;所以 m̄-thang 看輕全能 ê ê 督責」,根據以利法,約伯畢竟是無完美 ê 地上活物,本質是土粉、是必然會朽爛 ê 人,所以約伯本來就應該受苦,因為上主用苦難訓練約伯。但是,以利法 ê 見解其實是伊用伊家己所認定 ê 「上主之眼」所看著 ê。

以利法心中 ê 「上主」會為著訓練人所以不斷賞賜災難,也確信福報災厄 kap 個人 ê 作為有直接 ê 關係。以利法認為家己已經掌握約伯受苦 ê 原因。但是,能力有限 ê 人類敢講攏理解上主 ê 一切作為嗎?抑是講,咱無願意正視亦無願意承認咱真正呣知?

祈禱:

全能 ê 上主,求祢 ê 聖神幫助阮真實面對性命中 ê 境遇,因為阮是祢所創造 ê ,是祢 ê 同伴。奉主耶穌基督 ê 名祈禱,阿們。

延伸閱讀:【少年新眼光台語版】


台文新眼光 TÂI-BÛN SIN GÁN-KONG

廣告/聖經充滿我-經文填充本

我有話要說