◎賴德卿
點我聆聽朗讀
新个希望 新个年頭 新个恩典
新年 系上帝賜分𠊎等个新个一年
在往擺 在舊年 有親多流目汁、快樂、歡喜、悲傷
有親多 𠊎等沒想到个事 發生了
武漢肺炎 航空觀光餐飲各行各業个挑戰
總系 感謝上帝 祂（佢）撈𠊎等更加謙卑 知人个有限度
在人个盡頭 向上帝祈求 祈求恩惠同憐憫
有時節 𠊎等感覺所有个力量全部用盡了
不（m）過 上帝在新年度 會賜𠊎等新力量
有時節 𠊎等感到做錯了事 感覺煩惱傷心 然而 上帝痛惜𠊎等
祂（佢）用愛安慰𠊎等 賜𠊎等新个機會 新个一年 為𠊎等開展新个世界
新个一年 就像跨年个煙火 按仰熣爛个開放在𠊎等目珠前
團團錦簇 驚喜綿延 親像光亮沉寂落入烏暗了
然而更大更亮个光又出現 久久不熄
撈𠊎等驚嘆 歡呼 該就系上帝豐盛个應許
可能 有時節𠊎等自家感覺 平淡無奇个一生
然而 𠊎等每儕人个一生 都系獨一無二个特別
𠊎等要為著上帝賜个冠冕來向前奔走
新个一年 等齊心讚美神 感謝上帝
祂（佢）創造了𠊎等 祂（佢）个心意何等美好
𠊎等愛決意經營奇妙个人生 因為上帝个創造是奇妙个
分自家機會 更加積極个把心情妝扮起來
新个一年 你系恁靚 上帝所創造个 上帝个細人仔
你愛靚靚 去面對新年新人新事 體驗豐富恩典个新年。
＊註：流目汁──流眼淚；恁靚──這麼美麗；靚靚──美麗的。
（作者為客家宣教委員會幹事）
