四面八方迎客來 喜年豐盛恩典多

──賀台灣南部客家教會聯合禮拜

Image by Gordon Johnson from Pixabay

◎賴德卿

500人共下相聚,熱情喜樂歡喜
南部客家教會系上帝恩典設立个教會
每年共下聚會,講客語、唱客歌、讀客家聖經
人親土親客家親,親上加親好人情
四面八方歡喜來,客風客語好風景
六堆文化代代相傳手牽手心連心
天光日个細人仔會長大了,客家鄉親啊
愛將好聽个客話繼續講下去,好聽个詩歌唱下去
耶穌學生關心參與客家宣教共下來
剎猛努力愛記得喔,𠊎等个祖先美好个信仰傳統
愛記得喔!上帝也有客家本色,上帝也系客家人个上帝
堅忍不拔、擇善固執、打拚省儉、熱情好客
𠊎等感到驕傲系台灣个客家人
因為有客家,台灣人个臉譜更加靚靚喔
不能沒有你──河洛、客家、原住民和樂融融
多元族群、血脈相連,台灣人按幸福喔
今晡日,𠊎等再一拜相逢,感謝上帝个恩典
上帝賜𠊎等平安豐盛个新年
三月到了,春天到了

註:天光日:明天;共下:一起;剎猛:奮鬥努力;今晡日:今天。

(作者為總會客家宣教委員會幹事)

我有話要說