媽媽 ê 藝術

(請安裝Taigi Unicode字形,配合Firefox瀏覽器來讀)

作者:蔡榮信

天爸恩典真正大,媽媽疼痛不止闊。
世間寶貝無咧換,呵咾感謝吟詩歌。
媽媽的心日頭大,溫暖熱情無變換。
更深暗暝袂畏寒,烏雲罩霧來引𤆬。
出帆遠洋無依倚,透風落雨通靠岸。
媽媽的手若搖籃,春夏秋冬一直晟。
千斤萬擔甘願擔,無惜幼秀變粗紙。
腰酸背疼毋敢喝,晟阮大漢底時煞。
媽媽的手無地看,無私的疼刻心肝,
媽媽祈禱永無煞,日夜守望金金看。
望囝人生莫重耽,浪子回頭袂傷晏。
虔誠信靠無變卦,榮光上帝得永活。
媽媽笑容的痕跡,珠淚流過的影跡。
甘甜苦澀咧相磨,進退無步無心情。
懇求上帝來引𤆬,剛強壯膽向前行。
無暝無日繼續拚,望囝成功一定成。
媽媽的作品上奇巧,媽媽的眼光上深闊。
你若會忝阮來替換,跤酸手軟阮予你按。
你若孤單阮陪你行,坐佇門口埕唸詩歌。
著有孝未免捶心肝,感謝上帝佮咱做伴。

Thiⁿ-pē un-tián chin chiàⁿ tōa, Ma-ma thiàⁿ-thàng put-chí-á khoah.
Sè-kan pó-pòe bô teh ōaⁿ, O-ló kám-siā gîm si-koa.
Ma-ma ê sim jt-thâu tōa, Un-loán jia̍t-chêng bô piàn-ōaⁿ.
Kiⁿ-chhim àm-mî bōe ùi-kôaⁿ, O͘-hûn tà-bū lāi ín-chhōa.
Chhut-phâng oán-iûⁿ bô i-óa, Thàu-hong lo̍h-hō͘ thang khò-hōaⁿ.
Ma-ma ê chhiú ná iô-nâ, Chhun hā chhiu tang it-tt chhiâⁿ.
Chhian-kin-bān-tàⁿ kam-goān taⁿ, Bô sioh iù-siù piàn chho͘-chóa.
Io-sng-pōe-thiàⁿ  káⁿ hoah, Chhiâⁿ goán tōa-hàn tī-sî soah.
Ma-ma ê chhiú bô-tè khòaⁿ, Bô-su ê thiàⁿ khek sim-koaⁿ.
Ma-ma ê kî-tó éng bô soah, Jt-iā siú-bāng kim-kim khòaⁿ.
Bāng kiáⁿ jîn-seng mài têng-tâⁿ, Lōng-chú hôe-thâu bōe siuⁿ òaⁿ.
Khiân-sêng sìn-khò bô piàn-kòa, Êng-kng Siōng-tè tit éng-oa̍h.
Ma-ma chhiò-iông ê hûn-jiah, Chu-lūi lâu kè ê iáⁿ-jiah.
Kam-tiⁿ khó͘-siap teh siong-bôa, Chìn thè bô pō͘ bô-sim-chiâⁿ.
Khún-kiû Siōng-tè lāi ín-chhōa, Kong-kiông chòng-táⁿ hiòng-chêng kiâⁿ.
Bô-mê-bô-jt kè-sio̍k piàⁿ, Bāng kiáⁿ sêng-kong it-tēng chiâⁿ.
Ma-ma ê chok-phín siōng kî-khá, Ma-ma ê gán-kong siōng chhim-khoah.
Lí ná ē thiám goán lâi thè-ōaⁿ, Kha sng chhiú nńg goán hō͘ lí hōaⁿ.
Lí ná ko͘-toaⁿ goán pôe lí kiâⁿ, Chē tī mn̂g-kháu-tiâⁿ liām si-koa.
Tio̍h iú-hàu bī-bián tûi sim-koaⁿ, Kám-siā Siōng-tè kap lán chòe-phōaⁿ.

我有話要說