讀 《Billy Graham & Me》

(請安裝Taigi Unicode字形,配合Firefox瀏覽器來讀)

作者:賴永祥

2018年2月,Billy Graham 99歲過身 ê 時,世界各地 ê 媒體 kā 伊定位做20世紀 siōng 偉大 ê 佈道家。無人像伊 bat 向 hiah chē 人傳福音過,tī 185个國家 ê 2.1億人 bat 親自聽伊講道,留落這个世界紀錄。1947年,伊28歲 ê 時用「十字軍聖戰」ê 名義 tī 密西根州激流市(Grand Rapids)開始奮興佈道基督教福音;兩年後,tī 洛杉磯 ê 一个停車場裡,利用馬戲團布篷進行奮興大會,繼續進行8禮拜久,就按呢 phah 開伊 tī 美國全國 ê 知名度。Tī 這个成功 ê 基礎上,伊逐年 tī 全球上大 ê 城市進行「十字軍聖戰」ê 佈道會。

1957年,伊 tī 紐約 ê 大型廣場──麥迪遜廣場花園(Madison Square Garden)──舉辦16禮拜久 ê 佈道會,逐場 lóng 滿員。伊交陪朋友廣闊,kah 美國總統(ùi 杜魯門到歐巴馬)保持密切 ê 友誼,超越黨派,成做「總統 ê 牧師」。若是出國,伊 ē kah 當地 ê 國王、總統見面,mā 有會見天主教教宗。回顧伊 ê 腳跡,有一 kóa 同事講伊親像摩西;伊確實有這款 ê 一面。M̄ -koh,伊宣講 ê 上帝  是憤怒 ê 神, 是用律法為憑準來處罰人 ê 神,卻是差派祂 ê 獨生 kiáⁿ 來到世間,而且通過耶穌基督 ê 贖罪 hō͘ 咱得 tio̍h 永活;祂是一位疼咱 ê 神,而且要求聽眾決志。聽眾受 tio̍h 伊模仿泰山咻咻叫 ê 聲所訓練出來 ê 清楚聲音鼓舞,一大陣觀眾行 óa 來講台 ê 情景,hō͘ 參加佈道會 ê 任何人 lóng 印象深刻。Graham ê 信息並  是複雜 ê 神學理論,是任何人 lóng ē-tàng 理解 ê 聖經 ê 話。Tī 伊麗莎白女王等人 ê 面前講道了後,伊開始準備對一群收入低 ê 倫敦人民演講 ê 佈道會。有人問伊:「Graham 博士,你 beh 講啥物?」伊簡短回答講: 「Kah 我對女王講 ê 內容仝款 to̍h ē-sái,kám  是?」Graham 徹底遵行上帝 ê 話,無分社會地位,這是伊傳福音成功 ê 原因之一。Tī 佈道會中無宗派 ê 歧視,ta̍k 人 lóng 受 tio̍h 邀請,而且伊 kah 所有教會 lóng 保持聯繫;-nā 邀請新教徒,mā 邀請天主教徒。仝款,伊 tī 上帝面前 mā 無種族歧視;tio̍h 算講伊出世 tī 美國南部,-koh tī 南部舉行佈道會 ê 時,伊 ê 條件是烏人 kah 白人 ē-tàng 坐做伙。

Graham mā 有邀請馬丁‧路德‧金恩牧師參加1957年 ê 紐約佈道會。Graham 以宣教師 ê 名義頭一 pái phah 破鐵幕,前往匈牙利 kah 露西亞(俄羅斯)。Tī hit 時代,chit 款 tāi-chì hō͘人認為是無可能 ê。M̄ -koh Graham 相信,無論共產主義 jōa–ní-á 暴力,hiah ê 有信仰 ê 人永遠 bē 停止 in ê 信仰。靠信仰 ê 引 chhōa,伊 ē-tàng 完成政治家無法度完成 ê 工作,ē-tàng 對共產主義集團完成「渡橋」ê 工作。Graham 是一个謙卑 ê 人; 管伊 ê 同事 jōa–ní-á teh o-ló 伊精采 ê 講道,伊唯一 ê 回答 to̍h 是「To̍h 是 án-ne lah!」Tio̍h 算有人講:「真正有夠 chán」,伊 mā ē kan-taⁿ 講:「因為我有 óa 靠聖神 ê 引 chhōa」;伊相信聖神 ê 工作。美國故總統 ê kiáⁿ Michael Reagan bat 受邀請去 Graham ê 佈道會致詞,-koh 伊 tī 幾 nā 千人 ê 會眾面前驚 koh 緊張。Graham ê 建議是:「Michael,óa 靠聖神 ê 引 chhōa。」

本冊 iáu 有包括各種伊鼓勵 chit 類初級人員 ê 回憶。Tùi 客觀 ê 角度來看,Graham 是一个充滿人情味 koh 容易接近 ê 人;親像講起當伊 tòa 院接受帕金森氏症檢查 ê 時,伊聽講伊 ê 外甥女 tú 好 tī 仝一間病院 teh 做檢查,伊就坐 tī 輪椅頂等待外甥女來到,兩人 lám teh 啼哭。本冊有真 chē 類似 án-ne ê 無仝情節。《舊約》但以理書2章33節中描述 ê「黏土 ê 腳」chit ê 詞,是 teh 表示任何偉人 lóng 有掩嵌 ê 弱點。Graham kā 一生獻 hō͘ 上帝,謹慎生活,對財富、性 kah 榮譽等等 lóng 無 chit 種弱點。Graham tī 冊 ê siōng 尾講:「我  是一个偉大 ê 人,-koh,我事奉一位偉大 ê 上帝;而且我 beh kā 多年來 kah 同工所成就 ê 一切,lóng 歸榮光 hō͘ 伊。」 《Billy Graham & Me 》是一本基督徒 á 是傳道者思考 án 怎行踏 ê 好冊,有一讀 ê 價值 。

我有話要說