(請安裝Taigi Unicode字形，配合Firefox瀏覽器來讀)
作者：林家睿
武漢肺炎真厲害，
中國隱瞞不應該，
病毒湠向全世界，
奪性命烏乎哀哉。
防疫袂使傷凊彩，
洗手消毒攏總愛，
喙罨著愛掛予在，
體溫測量嘛是愛，
祈求病毒莫閣來。
學生停課為防災，
上班分流減掛礙，
聚餐郊遊攏袂使，
上好乖乖踮厝內。
瘟疫近來湠全台，
著病死失人悲哀，
公共衛生是應該，
注射疫苗要緊代。
患者請恁免悲哀，
交予耶穌來安排，
伊會替恁來排解，
恢復性命的光彩。
