(請安裝Taigi Unicode字形,配合Firefox來讀)
作者:胡仁祿
感謝上主創造寶島阮台灣
出產豐富魚蝦稻米養飼阮
寶島四面環海中央山脈高
百姓佇遮居起燒烙閣安全
無情滿清政府放棄阮台灣
台灣百姓可憐困苦若孤兒
心內期待光復傷痕得醫治
想袂到二二八濟濟人慘死
接續閣用戒嚴法令來凌治
百姓經歷黑暗痛苦 ê 日子
戒嚴雖然解除猶未出頭天
對岸中國武力威脅愈加添
台灣島內國家認同無一致
吃碗內洗碗外 ê 人滿滿是
台灣地位才會連連受失落
求主伸祢手骨互阮通倚靠
想起人權宣言歷史的意義
祈求上主顯出公義大慈悲
阿們