◎溫克
2021年，北部大會、南部大會、台灣基督長老教會總會接續開會。牧師鄭仰恩曾講，大會的功能是欲傳揚福音、協助中會，並 m̄-sī 為管理財產來存在；伊從《從加爾文到今日改革宗傳統》講起，加爾文佇Geneva（日內瓦）運用教會執事來服務難民並運作基金會，互有需要的人得到實際的幫贊。
今仔日，長老教會用偌濟氣力照顧社會中無依倚佮受苦的人？咱看地方教會、中會佮總會的事工就會知影。講2021年3月台南中會開始「開台西醫‧世紀傳愛」系列活動，有園遊會、有展覽、發行紀念郵票等，攏真有意義，只是內面並無任何義診、傳福音等，直接顯明馬雅各醫療傳道精神的事工，真正有夠可惜。 （作者為基督徒）
