(請安裝Taigi Unicode字形，配合Firefox瀏覽器來讀)
作者：胡仁祿
嘉南平原山崙裡 有一庄頭叫大內
一九三○六月時 大內設立說教所
大內設教十年滿 因為戰爭停一段
一九四八閣開辦 聚會場所有困難
農會厝宅暫借用 歇暝永茂兄提供
盡心敬拜主同在 雖附屬厝也無礙
一九六一有成就 一位長老許享受
五公畝半土地獻 大內教會得興建
在遮設立主聖會 信徒禮拜來做伙
佇主疼裡若一家 相疼相助無欠缺
佈道博士花翹奇 宣揚真理佮支持
牧者信徒做一伙 佮主同工常交陪
感激設教眾前輩 當初狀況真歹過
人講信心贏一切 第一要緊相提攜
酪梨檨仔通收成 歡喜做工無時停
時間一日一日過 今也已經九十歲
