(請安裝Taigi Unicode字形，配合Firefox瀏覽器來讀)
客語老師：徐姿華│台語老師：郭燕霖│共同指導
客語
劉而燻│六丙│
親愛个阿奶：
𠊎頭擺細漢毋知頭天，長在會對妳大細聲、無大無細，這下想來真過意毋去，對妳真失禮。勞瀝妳逐日為著屋家人無閒屋家个事，妳為著𠊎恁辛苦，𠊎讀書悿咧，嗄還對妳出水、對妳發脾氣，一屑都毋曉想，毋曉體恤若个辛苦。這下，𠊎大漢咧，𠊎定著會認真讀書，考好个成績，來還背妳，分妳歡喜。阿奶，𠊎愛妳，妳係全世界盡好个阿奶！
彭暐珊│五甲│
吾个阿姆，有時節像老虎，𠊎毋乖，佢會逐緊過來，大聲提醒𠊎。
吾个阿姆，有時節像𧊅，會在吾耳公脣呱呱滾緊叫，叮嚀𠊎。
吾个阿姆，有時節像廚師，𠊎肚屎枵，佢會煮好食个飯菜分𠊎食。
吾个阿姆，有時節像護士，𠊎破病、毋鬆爽个時節，佢會照顧𠊎。
吾个阿姆，有時節當溫柔，有時節當得人驚，但係在吾心肝肚，阿姆係當好當靚个阿姆，佢當愛吾等，𠊎也當愛阿姆。𠊎想大聲同阿姆講：「勞瀝妳辛苦照顧𠊎，因為有妳， 等个屋家幸福一百分！」
黃雅欣│五乙│
親愛个阿姆：
記得在𠊎細漢个時節，有一擺妳自家人無鬆爽，當早斯睡咧，𠊎半夜肚屎疾去孔孔碾，又驚同妳吵醒，毋敢同妳講，結果，妳看著𠊎恁艱苦，顧毋著自家，黏時斯帶𠊎去醫院，還歸夜毋睡照顧𠊎到天光，這下想著實在感覺對妳當敗勢又當感謝。𠊎在學校肚長在有機會選擇愛參加个活動，感謝妳分𠊎自家做主个機會，也會尊重吾个決定，妳總係鼓勵𠊎，分𠊎尋到新个方向。阿姆，勞瀝妳。
鄧名均│六乙│
親愛个阿姆：
感謝妳照顧𠊎，不管𠊎想愛買麼个東西，妳總係嘴項講：「使毋得！」毋過，還係會買分𠊎，對吾等姊妹，妳總係嘴硬心肝軟，𠊎知這斯係妳愛吾等个方式。𠊎會同老妹乖乖聽話，儘量莫冤家、莫分妳操心。阿姆，感謝妳肯挷時間聽𠊎講心事，陪𠊎打嘴鼓，妳係𠊎最好个阿姆，𠊎會永遠愛妳。祝福妳身體康健 ！
吳安凱│五甲│
親愛个阿奶：
感謝妳逐日接送𠊎上下課，還愛去拈回收个資源來賺錢畜𠊎，妳既經六十五歲咧，逐日還愛去拈回收，過愛煮三餐同洗衫褲，實在當辛苦。這生人想愛同妳共下行，更加希望下次生人，還使得做若个孫，好好陪伴妳、有孝妳。阿奶，𠊎愛妳哦！
羅于絨│六甲│
親愛个阿姆：
感謝妳同吾等兄弟畜大，雖然𠊎出娘胎時左手同正腳斯無好像別儕恁泥自然、生活，妳也毋識想過愛放棄𠊎，從細食飯、洗碗、洗衫、晾衫，逐項事情都同𠊎𢯭手做，逐禮拜愛做復健時，妳做下會陪核𠊎，連𠊎做差事，妳也肯原諒𠊎，阿姆，妳照顧𠊎十分辛苦，正經當勞瀝。
台語
詹學林│六甲│
阿母逐工載我食早頓，載我去讀冊，補習了後閣來補習班載我。有時我佇補習班無食飯，阿母載我轉厝炒飯 hō͘ 我食，暗時幫我洗衫，閣等我功課寫煞才去睏。過年毋但 hō͘ 我紅包，閣買新衫、新褲、新鞋仔 hō͘ 我穿。
邱俊浩│六甲│
阿母，我想欲 kā 妳講我心內 ê 話：多謝妳逐工 hō͘ 我食 kap 耍，逐工 hō͘ 我笑咪咪，hō͘ 我平安大漢，雖然細漢對妳不滿，但是我大漢才知影，妳罵我，是為我好。多謝妳同意我參加運動比賽，實現我 ê 夢想。我 teh 想，若是咱母仔囝交換身分，無定著我會更加體會做阿母 ê 辛苦。多謝妳辛苦照顧我。
羅子妮│六甲│
親愛 ê 阿母：
妳 ê 關心，hō͘ 阮溫暖；阿母 ê 無私，hō͘ 阮感動；阿母 ê 快樂，是阮共同 ê 心願。
阿母多謝妳照顧我遮爾濟年，因為妳會陪我去 se̍h-ke kap 買衫、買鞋仔。我愛啥物，妳攏會買 hō͘ 我：我想欲食燒仙草，tō 算我無出去，妳也會出去買 hō͘ 我食，我真感謝；若是想欲食白鯧，妳 mā 會煮 hō͘ 我食。
有時陣，我想欲幫妳做一寡家內事，但是妳攏對我真好，攏講阿母做 tō 好，我真感謝。因為有阿母，hō͘ 咱 tau 變 kah 真溫暖。阿母，我愛妳。
寶貝囝子妮敬上
