(請安裝Taigi Unicode字形,配合Firefox瀏覽器來讀)
作者:Iâu Chì-liông
主,祢看我 性命貴氣
兩千年前 為我出世
三年 廣傳福音
卻是 百姓心硬
天父寬待 世上人類
差聖囝 救世人
只要好膽 認主
毋甘一人 喪失
濟濟神蹟 對主顯示
救人靈魂 出死
猶原無明 天父旨意
違背戒命 逆理
主的選民 背叛不義
大聲喊喝 無離
我主十架 慘死
流出寶血 赦罪清氣
跪落主前 再次謙卑
痛悔先人 失去理智
無罪為我 為你
我已醒悟 永欲屬你
現代聖誕 滿滿商機
失去莊嚴 失去意義
鬧熱攪吵 無知
懇求救主 赦免囝兒
人類性命 短短有期
著 tiām 靜 仰望主
盡心 傳福音
主!我願屬祢
Chú, Lí khòaⁿ góa sìⁿ-miā kùi-khì
Nn̄g-chheng-nî chêng ūi góa chhut-sì
Saⁿ-nî kóng thoân hok-im
Khiok-sī peh-sèⁿ sim ngī
Thiⁿ-Pē khoán-thāi sè-chiūⁿ jîn-lūi
Chhe Sèng-kiáⁿ kiù sè-jîn
Chí-iàu hó-táⁿ jīn Chú
M̄-kam chi̍t-lâng sòng-sit
Chē-chē sîn-jiah tùi Chú hián-sī
Kiù lâng lêng-hûn chhut sí
Iû-goân bô bêng Thiⁿ-Pē chí-ì
Ûi-pōe kài-bēng ge̍k-lí
Chú ê soán-bîn pōe-phoān put-gī
Toā-siaⁿ hán hoah bô lī
Góa Chú si̍p-kè chhám sí
Lâu chhut pó-hoeh sià chōe chheng-khì
Kūi lo̍h Chú chêng Chài-chhù khiam-pi
Thòng-hóe sian-jîn sit-khì lí-tì
Bô chōe ūi góa ūi lí
Góa í chhíⁿ-ngō͘ éng beh sio̍k Lí
Hiān-tāi Sèng-tàn móa-móa siong-ki
Sit-khì chong-giâm sit-khì ì-gī
Nāu-jia̍t kiáu-chhá bû-ti
Khún-kiû Kiù-Chú sià-bián kiáⁿ-jî
Jîn-lūi sìⁿ-miā té-té iú-kî
Tio̍h tiām-chēng gióng-bōng Chú
Chīn-sim thoân hok-im
Chú! Góa goān sio̍k Lí