(請安裝Taigi Unicode字形,配合Firefox瀏覽器來讀)
台南市新興、進學國小學生。指導老師:陳金順
吊媠物仔
陳金順
鞏金閣包銀
大人囡仔佮意怹
毋是虛榮心
嘛免捙跋反
叮叮噹噹在眼前
愛媠第一等
註:吊媠物仔–吊飾。
坐高鐵
陳金順
坐高鐵欲佗位
台南起行過嘉義
台中新竹台北市
坐高鐵心歡喜
窗外日頭笑微微
平洋青翠稻仔媠
目睭
郭芷妘(新興國小5年生)
我 ê 目睭真大蕊
像月娘遐爾大
貯會落規个世界
阿母目睭真細蕊
佮珠仔仝款
哪看會著針空
東西南北
郭芷妘(新興國小5年生)
台灣台灣真趣味
西港佇台南
東港佇屏東
南港佇台北
北港佇雲林
台灣台灣真正足趣味
日頭
邱泊紘(新興國小6年生)
逐工佇天頂
光芒閃閃爍
四季攏佇咧
親像咱爸母
溫暖阮 ê 心
今仔日
施天佑(進學國小2年生)
今仔日天氣真好
逐家攏歡喜
大人去上班
小朋友笑微微
蝶仔
黃霈云(新興國小5年生)
美麗 ê 蝶仔有幾隻
一隻、兩隻、三隻
美麗蝶仔有三隻
飛來飛去,飛去花園
欶花蜜
我上愛食點心
金郁紋(進學國小2年生)
我佮意食點心
每暗九點
我就提四秀仔
那看電視
那慢慢仔享受