【公報廣場】建國敢無比互併吞去較好？

◎陳堅強

之前，台灣ê先輩，陸續反抗蔣家王朝ê獨裁統治，要求民主自由和人權，爭取自治而獻身，犧牲了眾多ê生命財產。同時米國施壓蔣經國要實行民主主義；結果，台灣才順利進入政治民主化時代。政治民主化，社會上開放言論自由，解除黨禁，所以台灣ê政黨林立；30年來，政黨輪替執政也已經有三輪，台灣ê民主自由漸漸得著國際社會ê肯定。

台灣已經進入「民主台灣」ê時代，也建立「民主自由重視人權ê國度」。但是這bē-tàng算講台灣已經是一個主權獨立ê民主國家。勉強來講，台灣只是一個無正常ê國家爾爾。無法度得到國際社會ê國家承認。因為咱台灣猶原互「中華民國」綁票束縛著咧。

台灣若欲成做一個正常ê國家，台灣人必須愛佇日本放棄ê這塊領土頂面來建國。也就是，先要拋棄非法存在ê「中華民國」這個國號；正名台灣，制定台灣憲法；即由現在ê高度自治領土狀態，正名制憲，用「民主台灣」ê名行入去國際社會。

就安呢，督促咱ê民選政府，引導咱來建國，以一個新而獨立ê民主國家，申請加入聯合國，敢無比佮中國膏膏纏，結果互伊併吞去，閣再接受獨裁專制ê統治較好嗎？

（作者為前高雄農業局長、基督徒）