姻緣這條路 In-Iân Chit-Tiâu-lō͘

圖:連宏珠作品

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

Chok-chiá:陳俐雯

Thiaⁿ-kóng, ài chiok súi
聽講,愛足媠
Hō͘-lâng, bô-tiuⁿ-tî ōe khí ài ê tô͘-hoe
予人,無張持畫起愛 ê 圖花
Ū lâng kóng, ài chiok tiⁿ
有人講,愛足甜
Tam-tio̍h phah-bâng iāⁿ-iāⁿ-poe
啖著拍茫颺颺飛
Mā thiaⁿ kóng, ài sī cht-pang hēng-hok lia̍t-chhia
嘛聽講,愛是一幫幸福列車
Khí-kiâⁿ, sái hiòng khēng ê hong-keng-sòaⁿ
起行,駛向虹ê 風經線

Chóaⁿ-iūⁿ?
怎樣?
Chhiò-bīn bóe-āu, khí hong-thai
笑面尾後,起風颱
Bô cht-ê pò-thâu
無一个報頭
Ài tio̍h liáu-āu, sī hoán-hêng khoán-thāi
愛著了後,是反形款待
Chit-tiâu-lō͘ ná-ē hō͘-lâng, sa-bô-cháng
這條路若會予人,捎無摠
Ài-jîn-á ê bīn cháu-hêng, piàn siáu-kúi-á-khak
愛人仔 ê 面走形,變小鬼仔殼
Oat-thâu khòaⁿ, sim ùi-kôaⁿ
斡頭看,心畏寒

Chhiⁿ-léng ê goe̍h chhiō tī ài ê soaⁿ-niā
青冷 ê 月照佇愛 ê 山陵
Îⁿ-tîⁿ ê chêng chiam tī sim-koaⁿ teh ui
縈纏 ê 情針佇心肝咧揻
Ba̍k-sái ek-tōng ê chúi-kéng
目屎溢動 ê 水襉
Gé-sé gún ê jiâu-hûn
盻洗阮 ê 皺痕
Lōng-liú-lian ê chheng-chhun pôe-tòe
浪溜嗹 ê 青春陪綴

Ài, chhiò-khoe-tāi!
愛,笑詼代!
Siáⁿ-lâng tùi âng-tîn in-iân lo̍h chiù-chhàm
啥人對紅塵姻緣落咒懺

廣告/手到心至抄寫本-箴言

我有話要說