台文

台文詩 kah 散文已經 bē 少人寫 ah！小說 iáu-koh 真拋荒，伊鼓勵 ta̍k-ê ùi 這个方向發展，的確需要經過 chiâⁿ chē 試煉，ē-tàng sûi 想 tio̍h ê 困難是，kiám-chhái 咱有 chiok 豐富 ê 想法，因為需要 ê 時間 khah 長，過程中劇情 beh án-chóaⁿ kap 想法 tàu 做伙，結尾 ê 所在歹 siu-soah，這攏是創作者 kiaⁿ-hiâⁿ ê 問題；put-jī-kò，keng-á 若 tēⁿ 愈 ân，會彈愈開，所以相對你若完成，就算講 chham 你原 té ê 設想有 cheng-chha，學習 tio̍h ê mi̍h-kiāⁿ mā 是 ná 加添，「捷講喙會順，捷做手袂鈍。」食材 chhoân piān-piān，m̄ 免驚工夫淺，無人起鼓就順--ê，真感謝藍春瑞老師用伊 ê 經驗 kā 咱 ta̍k-ê 勉勵。

這篇 li-li-lak-lak 小可點 tio̍h 閱讀是愛有寡 mê 角，mā koh 點 tio̍h 咱想看 māi 家己想欲讀 siáⁿ-mi̍h 方面 ê 冊，這應該 lóng 無限定範圍才著。閱讀 ē-tàng 講 ê tāi-chì 傷濟，咱 chia 是欲點醒母語人，咱千萬 m̄-thang beh 寫 m̄ 讀，a̍h 是 kan-taⁿ 讀母語 niâ，這款學習思維有衝突。假使咱對閱讀有真大 ê 體會，有意識用母語來理解，mā 學習著一寡文學手法，接 sòa 落來就放手寫，而且是寫任何文類 lóng ē-sái。

Siūⁿ-khí tī Gio̍k-san Sîn-ha̍k-īⁿ “Kàu-hōe Im-ga̍k-hē” jīm-kà ê sî, góa tī hân, sú-kà lóng-ē èng ha̍k-seng ê iau-chhiáⁿ, ka-ji̍p phian-hiong san-tē pō͘-lo̍k pò͘-tō kang-chok. “Chhim-soaⁿ-lāi Koáⁿ Kúi” chit-kiāⁿ-sū sī hoat-seng tī Lâm-tâu kap Hoe-liân, hái-poa̍h nn̄g-chheng-gōa kong-chhioh ê Tiong-iong soaⁿ-me̍h ko-san-téng.

(Chhiáⁿ an-chong Taigi Unicode jī-hêng, phòe-ha̍p Firefox Browser lâi tha̍k. 請安裝Taigi Unicode字形，配合Firefox瀏覽器來讀) 蘇晏德 我對妳無了解，m̄ 知妳對佗位來，我kan-na 知影妳是台南神學院 ê 學生歐玉薇。聽講今仔日妳第一擺徛講台，tī 路竹長老教會傳講上帝 ê 話語，我 m̄ 知影妳幾歲，干焦知影妳是一个足少年 ê 查某囡仔，妳 kā...

老人 ê 人生，kap 咱 ê 上帝仝款。寂寞 ê 人生 m̄-nā 是咱做人 ê 命運，mā 是咱 ê 上帝做上帝 ê 命運；咱 tiām-tiām-á 來，歡歡喜喜用笑面看世間，koh tiām-tiām-á 去，用笑面來離開。咱 ê 一生親像保羅講 ê，是一聲深深 ê 吐氣。咱人人 lóng 背著逐人 ê 十字架，這个十字架真重。請上帝來幫贊，減輕咱 ê 艱苦，hō͘ 咱得著安息。主啊，請祢赦免阮逐人虧欠祢 ê 債，mā hō͘ 阮會曉時常赦免、減輕別人 ê 債 kap 別人 ê 負擔，hō͘ 阮 ē-tàng 清清白白來，mā 清清白白轉去。阿們。

騎腳踏車 Khiâ kha-tah-chhia 趙崑宇（三年級） 今仔日我騎腳踏車去美術館 看著青 lìn-lìn ê 草埔 有人 tī hia 行踏 樹頂有 kó͘-chui ê 鳥仔 chiu chiu 叫 樹跤有鴨仔 tī 湖內咧耍 Koh 有一座美麗 ê 橋 Chiah 美麗 ê 風景我永遠記牢--leh

「這30冬來《台文通訊》寫稿 ê 人愈來愈 chē，會曉讀寫台文 ê 人 mā 愈來愈 chē，m̄-koh 會曉講台語 ê 人 soah 愈來愈少，台語文化斷種 ê 趨勢愈來愈明顯。問題出 tī tó-ūi ?起頭《台文通訊》所主張 ê 台灣語文運動路線敢有正確？路線敢有 oai-chhoa̍h--khì？Beh 按怎 koh 開展網路世代 ê 台灣語文運動2.0？」

(Chhiáⁿ an-chong Taigi Unicode jī-hêng, phòe-ha̍p Firefox Browser lâi tha̍k. 請安裝Taigi Unicode字形，配合Firefox瀏覽器來讀) 李佳柔 西元2020年「新冠病毒」佇全世界大流行，致使幾百萬人死亡，超過億偌人受病毒傷害，影響濟濟人的生活。親像食食、旅行、穡頭、學習、交通、衛生、貿易……，是21世紀真大的大瘟疫。有的城市因為病毒引起的「武漢肺炎」湠甲真嚴重，愛暫時封城來應付病毒，減少傳染的危害，氣氛煞 sí-giān-giān（死殗殗），袂輸死城咧。佳哉咱台灣政府頭先有防備，大大降低病毒的侵害，台灣人才有正常的生活。咱若是身體無啥物各樣，佇公共場所喙罨掛予牢，較捷用雪文洗手，保持人佮人的社交距離，若欲去看電影、戲園看戲齣、餐廳食好料、去外縣市旅行嘛攏無問題。咱台灣會當有較安全的生活 thang 過，愛感謝第一線的工作人員替咱把關守護。 有餐廳業者的生理頭殼閣袂䆀，雖罔肺炎疫情猶袂解除，台灣人照常佇外面食食，若有奇巧的、好料的、俗閣大碗的，上好閣免錢，人就會食好鬥相報，相招鬥陣去聞香。有 Sú-sih 業者廣告放送講：「佇民國110年3月17到18期間，愛先佇阮官方的面冊揤讚、喝讚，紲落佇kiat-siàu（結數）的時，提本人身分證證明家己佮餐廳的規則有對同，若是姓佮名參華語『鮭魚』相仝，就會拍5折，一字相 siâng 拍9折；凡若佮漢字兩字攏仝款的，免錢招待。」保證予你食甲飽 tu 仔飽 tu。 自按呢引起真大的風波，有袂少少年人為著欲食一頓仔免費的紅鰱魚 sú-sih，揣空想縫，走一逝戶政事務所共名改掉。佇這个活動進前，全台灣有10个人有「鮭魚」這兩字的名，活動開始彼幾工，台灣出現真濟號做「紅鰱魚」的先生佮小姐。根據內政部統計，兩工就超過300人改名，大多數利用會當改名三改的機會，橫直會得通改倒轉來的心態，歡歡喜喜去食好物。遐的紅鰱魚𤆬一篷人到sú-sih 仔店食規桌的。因為咱台灣行政效率是世界緊的，辦代誌真利便，媒體共這款心適代大大報導，採訪彼陣改名做紅鰱魚的人，有的干焦愛食，嘛有人感覺趣味仔趣味，看新聞報導綴人來食看覓咧！有人，動生理頭殼，𤆬人來食，順紲趁一手，共塌跤的、綴食的，隨个仔隨个收錢，閣較有人是欲翕「YouTube」的影片，有一个吸引觀眾的主題通翕，一方面也希望「拍鐵愛趁燒」，這个話題當咧熱，加減仔拍知名度。 有人對改名食免錢感覺趣味、有創新。因為這是逐人的自由意志，欲食免錢的紅鰱魚，符合活動規定，抑無啥物毋著。而且人生短短矣，按呢難得的機會，無去共食一...

M̄-nā 寫詩，正雄兄 koh 真 gâu 寫小說，最近出一本短篇小說集，內底10篇著獎 ê 小說，這有影是咱台語文學 ê 寶。現此時，小說是 siōng 欠 ê 文類，有 chiah 好 ê 文本 thang 好 hō͘ 後輩做見本，知影台語仝款 ē-tàng 寫出 hiah-nī-á súi ê 作品。我想這冊 siōng 好是一人一本，好好仔研究才是。聽伊講想欲好好 á 計劃畫koh 出一本，咱聽了真替伊歡喜，mā 真替台語人歡喜。

趣味 ê 是：想貪 ê 人身分無分好額散赤；黨派無分藍綠烏白，地點無分東西南北，金額無分大條細條。我講「想貪 tio̍h nǹg 雞籠」，是講想貪 ê 人若去犯 tio̍h 法，tio̍h ē 像雞仔 hông 關 tī 雞籠失去自由，毋是講 in 真正去 nǹg 雞籠。