別ê傳道死，傳道娘著閣嫁，一名女傳道薪水一月三元真儉是食飽 nā-tiāⁿ，教會 ê 義學漢文先生一月五元，一家5、6人欲食五元，他亦著趁外路錢才食會飽。彼時雖然講物較俗，1人1月著食＄4.00，若濟人相佮食亦著＄3.00。傳道若做較久，1月＄10.00，這是中國銀水扣抵日本金水 chhun ＄7.00。台灣日本管，買賣是用日本錢是金，母會亦是用金水，chiáⁿ 樣會 pìⁿ 做銀，閣即金水，這是 Pān-chhiu ê 人食去？