◎Pais Abiki
2024年2月28，南部客庄 ke 長老教會用一個特別 ko 盡有意義 ke 方式來記念二二八。總會客家宣教委員會thê屏東 ke 竹田教會舉行用客話朗讀舊約箴言同唱客話聖詩 ke 比賽，有竹田、內埔、萬巒、新埤、杉林、高雄等所在 ke 兄姊共下來參與。在2月29全國客家 ke 前一日舉行這個活動係非常重要，象徵台灣人民無過緊用悲情來記念二二八，反轉愛用復興阿姆話 ke 行動，分二二八 ke 意涵轉變，成做重建本土語言、文化 ke 力量泉源同盼望。期待 án 好 ke 活動每一年都舉辦，分 ko-kha 多人因著參加比賽，重新來關心、學習上帝賜分客家族群 ke 阿姆話，me 分台灣 ke 民主化、本土化 ko-kha 深化。客家語言文化 ke 復興實在係台灣建國同重頭生一個極重要 ke 工程 â。
以前參加客家教會 ke 聯合聚會有兜 sa 差毋多攏講殖民語華語，毋講自家 ke 族語。看著 án-nê 看輕自家阿姆話、藐視上帝恩賜 ke 所做，分人傷心 ko憤怒。總係，信仰 ke 可貴係在使人曉得反省同悔改，正會帶來盼望。盡歡喜這擺總會客宣有盡大 ke 轉變。感謝上帝！客家加油！台灣繼續大步向前！（作者為本土語言創作者）
