◎李南衡
有ê父母叫子女去做啥代誌，叫歸晡叫b?行，抑是看子女做了無真合意（kah-ì），會受氣講：「叫豬叫狗，不如家己走。」（Kiò ti kiò kháu, put jû ka-k? cháu.）有人講作：「叫豬叫狗，m? 值tio?h家己走。」（Kiò ti kiò kháu, m? ta?t-tio?h ka-k? cháu.）你若k?勸講：「你我m? m? 是生出來t?逐項會，咱作序大ê tio?h愛khah有耐心k?教，序細若無教beh那會曉咧？」所以chit句俗語話有時會講作：「教豬教狗，不如家己走。」伊聽了真有可能無歡喜，會應講：「教kah伊識，我嘴鬚好拍結。」（Kà kah i bat, goá chhùi-chhiu hó pah kat.）抑是講：「教kah伊會，我頭毛嘴鬚白。」（Kà kah i ?, goá thâu-mn?g chhùi-chhiu pe?h.）Chit款ê父母，m? 免算命仙算伊ê命，我tio?h會tàng鐵口直斷k?伊講：「你命真業，你是出世來做工課ê。」
仝款ê道理，t?職場有ê小主管歸工無閒chhih-chhih，甚至「做kah流汗，hông嫌kah流no?。」伊ê部屬逐個t?邊仔涼看伊teh無閒。那會按呢？你若問chit-ê小主管：「工課你家己一個做，做kah beh歪腰，koh做b?好勢，那無愛分phe? h??逐個做咧？」伊真有可能應講：「叫豬叫狗，不如家己走。」你分析h??聽：「你看人王課長，逐項代誌分h??每一個部屬去做，做無好勢、做無周全，k?教兩遍伊就會。王課長輕輕鬆鬆過日子，伊ê部屬逐個m?做kah誠有成就感。而且工作績效當然m?攏算王課長ê。」有ê小主管tio?h是按呢塞頭，莫怪伊做萬年小主管，永遠升b?起去。
Mài講序大序細ê關係抑是頂下司ê關係，t?社會上，咱m?定定看tio?h一寡人，有ê代誌央朋友做一下tio?h會使，伊偏偏逐項代誌都一定beh家己做，若無親身去做都是b?放心。你若問伊：「何mih苦咧？」你聽伊嘴裡cho?p-cho?p唸：「你m? 知lah！叫豬叫狗，不如家己走。」
Chit句俗語話講「叫豬叫狗」，本身tio?h足無尊重家己ê序細、部屬抑是朋友，那會使k? in準作「豬」、「狗」來叫來教咧？人無論大細地位無分懸低，攏tio?h互相尊重，關係才會圓滿代誌做了才會順序。Mài講逐項代誌家己做，會慄（lek）死家己，上要緊ê是，現代已經m? 是威權時代ah，無尊重對方一定是b?通。Chit句俗語話早慢會hông棄?，以後無人會講m?無人敢講。
