◎蘇晏德
逐項攏欲起，人民歹日子，
厝地買袂起，租厝來徛起。
 
牛奶嘛欲起，囡仔飼袂起，
魚肉嘛欲起，食飯配鳥鼠。
 
石油嘛欲起，轎車變廢鐵，
水電嘛欲起，冷氣吹袂起。
 
學費嘛欲起，貸款渡日子，
健保嘛欲起，有病著去死。
 
開店無生理，租金付袂起，
生活冷吱吱，散工渡時機。
 
薪水攏無起，橐袋袋磅子，
米酒無欲起，?酒過日子。
 
逐家愛理智，毋通亂受氣，
政府是好意，阿九會保庇。
 
祈禱兼吟詩，上帝會扶持，
聖經愛謹記，靠主得勝利。
 
（作者為國中小學台語教師）
