林家睿
2018年10月22下晡4點50分砰一聲！
台鐵6432次位樹林開往台東的普悠瑪列車，
佇宜蘭新馬站敗輦翻車，
八節車廂親像柴角仔，
東倒西歪予人看甲心驚驚，
親像災難電影彼一般。
媒體記者SNG緊連線，
新聞畫面予人看甲真驚惶。
事故現場傳來陣陣呼叫聲，
救護車、吊車、機具；救災、醫護人員總動員搶救傷亡者。
事後檢調單位趕追查，
事故原因趕緊查，
毋管事故原因是按怎，
重點愛會記哩教訓勿閣重演仝款的事件。
疼！
本次事件造成亡者失去寶貴的性命，
傷者濟濟名。
願亡者，
一路好行，
願傷者，
早日恢復健康正常生活。
普悠瑪翻車事件受難者，
恁的痛耶穌知影，
甲一切艱苦交予伊來擔，
伊會牽手陪恁做伙行。
（作者為基督徒）
