 ◎興餘
鐵窗外罩一面烏布，
主管ê腳步聲，
ùi遠遠ê所在khi-khí-kho?k-kho?k行來。
「4點44分，
koh等一下就欲天光啊！」
是啊，koh等一下！
等待彼片未光ê天&hellip&hellip
你定夢見警察車kap靈車扭你ê雙腳拚氣力，正腳、倒腳hông扭開ê角度超過高難度ê體操動作「thiah腿（一字馬）」，你h??血腮腮ê恐怖畫面驚精神。
你ê身軀無像 豬仔場ê豬hông剖做2爿，2隻腳ân-tòng-tòng，釘t?雙爿lóng 1公斤ê鐵鐐內，凊汗親像bih-chhiu ê幼蟬仔，t?暗眠沙貓ê暗暝kui-phâng n?g鑽，破土而出。
腦海內ê走馬燈
1.5坪ê獨居房盡磅，嗆鼻ê屎尿味so腳lián手，天棚頂5燭電火泡仔喘怦怦吐出孤khu?t哀光so thài-lù青筍面盤。你起床、à?落，用倒手ko??腳鐐一步一腳印勻勻仔行落去便所，擦身軀汗水，然後用電池kap箔仔紙相拍電ù衛生紙點一支長壽薰，穩定phi?h-pho?k-chhái? ê心槽，吐出肺中重重濁氣，koh再慢慢仔sô到鐵窗仔前，提起放t?窗仔角ê面速力達母，ut t?壁角抹h??鐐銬磨出ê新khang嘴。
無定tio?h是「幽閉恐懼症」ê緣故，你三不五時t?深更暝半感覺有魔神仔pha過通電ê電網，bih t?鷹目死角，toè月光sô入夢中，然後你kan-ta會tàng坐tiàm硬硞硞ê眠床板，戇戇á等。
時間t?這個特殊ê所在親像一窟死水，你感受b?著伊ê質，會tàng h??你有反應ê只是光線ê粗幼kap蟋蟀大樂隊參厝鳥合唱團ê聲。
日時，恁老母t?會客窗前比手劃刀、牽東說西講明伊ê近況，講等過幾工仔領著退休金才欲去開刀醫治寄生t?龍骨頂ê骨刺，愛你m?通煩惱。公司有續攤簽臨時工約，1工600箍，伊會加減做，等你轉去。
當你想到chia ê時，一對船艦khi-khí-kho?k-kho?k駛到窗前，目睭仁向內面規間hó?-hó?-chhî?，面腔無表情（會振動ê死人？有喘氣ê死體？），就向後一間舍房巡去。監獄行刑ê聲sàu si-si-soai?-soai?， t?恬chi-chi ê走廊chông出撞入。
頭殼皮內底ê神經線轉彎踅角，腦海內ê螢幕親像走馬燈閃閃爍爍。
恁老爸t?你國校仔3年頭一擺得著進步獎ê時，等b? hù教你騎tú買轉來ê鐵馬，就kap沙石仔車攬kah出血，載去山頂khau風飼草。國中ê時陣，iáu未等著先生傳授男女學生lóng好玄ê秘密，青狂膦就剪斷kap孔子相黏ê肚臍帶，衝入去五彩ê大人世界。
大人ê世界五花十色染白布tò?烏汁。Toè老大chông南走北5、6冬，好ê無學著，soah toè人行路三角六keng、講話chhoh幹六ki?u、橫橫霸霸、青面獠牙，連地球to t?腳底皮皮chhoah。
對！就是皮皮chhoah。B?記得是ùi甚麼時陣開始ê，腳手定定為著the?h藥仔來皮皮chhoah。大ê講，彼是仙丹妙藥，有病治病，無病醫查埔人硬。總是m?知為啥，賊頭車soah為著這，三工二工就追kah你腳軟手軟，心肝頭皮皮chhoah。真正是仙丹妙藥，連警察to想欲愛。
koh等一下就天光啊
妙藥是內籬仔蒙古級華陀開ê愛睏藥仔。Tú開始，你去看病k?醫生講，你胸坎cha?k-cha?k、心肝頭phih-phok跳、氣吸無啥有。醫生回答，這勉強來講是「過度換氣症」，只要靜坐、勻勻仔吸氣、吐氣就會改善。過度換氣？你koh k?醫生講，你只要行出舍房，規個人就清爽啊！是哦，醫生踏話頭比四川變面khah緊，氣口十足講：「一定是幽閉恐懼症！」
這就是你驚kah欲死ê根。狹狹（e?h-e?h）ê走廊盡磅，小小ê厝間內底，檢察官用ná機關槍ê嘴涎彈死你身軀99億隻細胞，kap你賣毒ê時烏食烏，拍死對方仝款，一屑仔lóng b?手軟。
檢察官等待為伊正義使者ê師公衫添一條勝利ê彩帶；受害者家屬有聲吼kah無聲，目睭仁仁仁，等lò-lò-長政治官員leh講ê公權力ê實現。法官ê面tù- tù，等你搬山過海、有嘴辯kah無涎，連續劇搬到尾聲，才老神在在蹺腳撚喙鬚，勻勻仔送你一盤豐派ê菜色──土豆魯槍柄。
鐵窗外罩一面烏布，你等待主管ê腳步聲ùi遠遠ê所在khi-khí-kho?k-kho?k行來，才tùi報紙捲ê「砲管」k?問看幾點。主管講：「4點44分，koh等一下就欲天光啊！」
是啊，koh等一下！你知影有真濟人lóng leh等，你kap in仝款m?是leh等。
等待彼片未光ê天──拍phú光！
後記
你等待ê天光一直無來，m?-koh，值得安慰ê是──恁老母總算是等著你轉去啊！領你ê屍體轉去。
 
 註：
1.血腮腮：huih-sai-sai、hoeh-sai-sai，血淋淋。
2.凊汗：chhìn-ko??，冷汗。
3.賊頭車：黑道口中的警車。
4.土豆：子彈的黑話。
