 ◎吳仁瑟
Tâi-oân Hú-siâ? Kàu-h?e-pò 1885
第 5 張
光緒11年10月
 
大會ê紀錄
9月初8日，就是拜三，彼暝7點鐘大會聚集t?亭仔腳禮拜堂，巴牧師做會正（按：會議主席），祈禱，吟詩，看聖冊。也有聽見廈門羅先生chham汕頭大會兩張ê批。
拜四頂晡10點鐘大會聚集，涂牧師做會正。吟詩，讀聖冊，祈禱。
涂牧師就論看怎樣thang h??教會興旺。（伊今已經去後山，所以無伊ê話thang印t?此。）講話liáu就請人來議論。
吳意講：──
H??教會興旺是上帝ê權能，iáu-kú著用人。論傳道理chham行好就是自然tio?h，m?使koh講。論咱當職ê人，m?-thang chhap兄弟kap世俗人相冤家、相告ê事。也著想咱人是無路用，tio?h得著主ê恩典才有，要緊著常常祈禱。H??教會興旺m?是kan-ta興旺t?禮拜堂n?-ti??，也著興旺t?家內；親像亞伯拉罕，伊t?家內拜上帝；咱也著作人ê模樣，早暗禮拜吟詩，h??人聽見咱ê聲。又koh教會著聚集作祈禱會來求此一項；驚了兄弟ê工khah迫，khah好著用一年定著揀一日h??通台灣ê教會同心祈禱。
潘明和講：──
打算一項，除去傳道ê人以外牧師著出一個題目h??眾人去作論，寄h??牧師評定，後來通知t?教會部。人若看見，就it-tio?h（渴望）beh讀聖冊；未曉寫ê人，it-tio?h beh來學寫。總著淡薄賞in，h??人對彼個盼望賞，漸漸欣慕道理。親像羊m?-bat路，人著at一枝樹枝ûn-á chh?a伊，到所在就m?免。因為是人無重聖冊，beh h??教會興旺，tek-khak無彼個情理。Tek-khak著h??人欣慕聖冊，就會要緊伊ê教示，來省察家己ê品行，khah熱心thang引導別人，也khah無愛別物ê事。（頁２５，待續）
