文圖 ◎許隼夫
──美國德州Shangri La植物園kap自然中心
難得 ê 學習良機
我有一位教會會友新開一間汽車旅館t?德州東邊beh oá州界ê小城叫柑桔市（Orange, TX）。對休士頓開車沿10號公路向東約略2點鐘。有一個機會，我kap牧師娘去拜訪in，in招待阮去參觀Shangri La植物園kap自然中心。H??阮大開眼界，這是一個難得ê學習機會，心內充滿感恩kap o-ló，阮感謝伊ê好意h??阮這個難得ê體驗。
Shangri La是一個252英畝hiah大ê植物園kap自然中心，是全世界排t?前50名ê環保勝地。伊得tio?h美國綠化建設協會白金認證（U.S. Green Building Council&rsquos Platinum Certification），也是一個「老少皆宜」ê遊樂場所。&ldquoShangri La&rdquo這個美麗ê名是對James Hilton t? 1933年出版ê名著《消失ê地平線》（Lost Horizon）來ê，冊中描寫一個真美麗、安靜、靈感ê所在。
Shangri La植物園kap自然中心是Stark家族ê私人慈善機構所設立ê。這個自然勝地t? 1946年完成koh向外開放，吸引美國kap世界各地愛好自然kap環保ê人來參觀遊覽。無拍算，1958年有一個大風雪將園區摧殘，Shangri La被迫關門真久。經過長期重新設計kap整修，直到2008年chiah koh重新開幕。
一個有願景 ê 善士
Stark家是德州經營木材業ê大富戶，對19世紀就t?柑桔市大發展。In ê後代將柑桔市ê家產捐獻出來回饋h??社會，t? 1961年成立Stark基金會，一個非營利ê私人慈善機構。伊ê宗旨是beh用自然、環境、健康、社會、歷史、人文、藝術等教育，來促進、改善、充實德州東南部人民ê生活品質。
Stark家基金會t?柑桔市除了Shangri La植物園kap自然中心以外，koh有設立Stark博物館，Stark表演藝術廳kap被登記做國家歷史建築，也是德州地標之一，t? 1894年建造，1936年整修ê Stark家Victoria造型，建坪400坪ê美麗住宅。內面排設真濟名貴ê家俱、裝飾kap古董等等，h??遊客參觀遊覽。Stark基金會也應社區特別需要提供獎學金kap研究獎金等服務，並且kap學校合作，提供環境保護教育，h??老師帶領學生來Shangri La植物園kap自然中心實地觀察kap實驗。Shangri La植物園kap自然中心也派研究員到學校去教導展示如何保護自然ê教育。
環保 ê 模型園區 
Shangri La植物園kap自然中心經過長期整修重建，對建材到設施攏經過精心研究：建材全部採用自然材料kap自然程序，完全符合環保ê功能。園中建築全部用自然回收ê材料，ah是自然加工ê製品，親像漂流木等。能源採用太陽能發電，隔熱材料用豆殼，花草ê肥料攏是自然製造ê有機肥，連便所ê用水m?攏是經過自然過濾來重複使用。
新園區有設自然探索中心，有圖片電影介紹園區kap Stark家族ê歷史；有會當親手去做ê自然實驗室，學習教室；也有室外觀察區thang自由觀賞各種動物、鳥類kap植物ê生態。這個植物園有超過300種ê花草kap真濟種野生動物，也有真濟「候鳥」息t?這個園區。遊客會當沿著步道自由觀賞，也有專攻環保ê工讀生、實習生或是環保志工帶領導遊，k?遊客詳細介紹說明。遊客嘛會當坐電動小船進入沼澤區域，觀賞沼澤區特有ê水中植物kap動物、魚類ê生態。遊客中心提供好吃ê食物kap飲料，遊客會當坐t?室內享受餐飲，或是坐t?室外樹蔭下面觀賞花草kap聽鳥-á唱歌。
人人需要保護環境
參觀遊覽這個植物園，不但h??阮欣賞美國東南部ê風光文化，也經驗kap體會美國人對環境保護ê用心，koh-khah h??阮深深感受?拍拚提倡環保ê必要性kap可能性。回想2年前我t?g來台灣去88水災ê災區宣教做志工。Hiah-ê受害者就是人破壞環境ê犧牲者。今年，我猶會去一個當時受遷村落來山kha，永遠b?當koh倒t?g去山頂故鄉ê新社區探訪kap宣教，來幫助改變in ê心靈thang適應新ê環境kap新ê生活。我祈求上帝，h??台灣人會曉保護這個美麗ê島嶼，h??台灣永遠是一個美麗島！
Shangri La植物園kap自然中心
地址：2111 West Park Avenue, Orange, TX 77630, USA
網站：www.shangrilagardens.org
電話：409-670-9113
 
 
 
 
 
 
作者夫婦t?園內
 
 
 
 
 
 
 
 
園中花卉kap藝術創作
