◎蔡澄甫
台灣有一個族群出世t?日治時代,受日本教育,講日本話,持守日本禮教,日本戰敗了後,in無法度適應無日本人ê新生活,就鬱chut、孤單孤獨(to?k),親像孤兒,後來變成孤獨(ta?k)怪癖,死守「日本精神」嫉惡如仇ê怪人,in是受害者,社會ê臨邊人(liâm-pi?-lâng=邊緣人)。除非終戰當時隨時轉變過手,「思念日本人」ê心結就一生纏絆放bo? lut(甪),in ê人數bo?少,是bo?當忽略ê社工問題。
教會ê松年團契有開闢聚會ê時間kap場所。阮教會前後印製《日語詩歌選集》kap《日語童謠&軍歌》,此群老青春唱到流目sái。場面真正h??人感動,t?基督仁愛ê大家庭裡(nih),竟然猶有此群久年來心情bo?清彩ê老國民,in講日語就是長期受排斥ê原因。
受歷史作弄,我作過8年ê「日本人」。我無「終戰症候群」,入小學以後經過4個月ê日語教育,3個月ê台語教育,無久一切就攏好勢。總是幼童期ê日本新正(新年),回憶起來猶原有甘甜仔甘甜ê感覺。
彼時阮住(toà)t?公學校教員宿舍邊,先父kap日籍老師交情真好,所以新正時in會替阮準備一對日本式ê新年裝飾,叫做「門松」(kadomatsu),是兩座稻稈草底座盆、大箍切割斜嘴的竹kóng chh?i t?中央、松樹kap青翠ê草欉圍四周。雖然是基督家庭,無信驅邪迎福ê講法,但是田庄所在ê新曆年,有此種新奇青翠ê物件,m?是hiá?-ba?k(顯目)koh趣味。
倚年ê時,先父會教阮唱日本ê新年歌──《?正月 O-shoo-gatsu》。一來,因為年紀猶細漢;二來,唱無幾冬日本就戰敗ah,所以印象m?是真深刻。第一節歌詞是:「Koh睏幾醒了後,新正就來到;新正時咱來去,放咱ê風?(hong-chhe),釘堅轆(tèng kan-lo?k)聲大gâu走,到陣來thit-thô;緊猛來(kín-mí-lâi)!緊猛來!正月正時。」
可能是顧全幼童ê接受能力,《?正月》詞曲簡潔,無啥會感動人,較輸阮外媽ê新年歌:「天公伯啊,緊好天,大人愛趁錢,囝仔愛過年。」
後來chiah知,這是名作家ê作品。作詞者是東 ??(Higashi-kume,1877~1969,兒童歌曲作詞家);作曲者是瀧廉太郎(Taki Rentaro,1879~1903)。
瀧先生是明治年代西洋音樂tú teh puh芽時,留學德國ê高材生;因為肺結核h??伊t?滿23歲彼年過身。
小學五、六年ê遊藝會,有學姊ê跳舞,所用ê曲就是瀧廉太郎ê遺作,大曲《花》。初中音樂課本kap後來合唱團攏bat唱過。另外,童謠《鳩??? Hato Poppo》,kap歌謠《荒城?月》是眾人真熟ê歌,總是無抵抵攏知影作者hiah早就蒙主恩召。
無想到「門松」,竟然h??人做歌睥相(phì-siù?):「人插花,伊插草;人抱嬰,伊抱狗,人睏眠床,伊睏屎礐仔(sái-ha?k-á,?所)口。」
古今對照就知:門松無插花卻插草,現今ê花藝,稻稈草、鮮草、水果攏是花材;抱狗遊街t?現時ê寵物族m?真普遍;早時豬tiâu(豬舍)邊ê屎礐遙遠不便無衛生,對照現此時ê公寓套房,敢m?是to睏衛浴門口?本來ê睥相竟然是teh褒獎日本文明比咱較先進數10年。
本文是beh講起台灣此百年來被殖生態ê回顧,t?歷史交接時所留落來彼陣受忽略ê老人,一直h??人看做是負債,其實是珍貴ê Kó?-ló-so?k kó(古老碩果),in經歷過「日頭赤映映(i??-i??),隨人顧性命」(註)被殖民ê苦日子,in心中有真豐富珍貴ê台灣歷史。請咱加倍關心in,親近in,若無口述歷史就漸漸枯焦到失落。
 
註: 「日頭赤映映」此句諺語,t? chia是指警告被殖ê台灣人t?日本太陽旗當i?ng(漾)當i??(映)ê時m?-通強出頭,chiah bo?喪失性命。