文圖◎高英男
分b?e清楚是今年ê熱天天氣特別熱,á是今年ê熱天火氣特別大!等b?e赴歇熱,全家召開家庭會議,決定一歇熱,就sûi欲chh?e一?透心涼ê所在,好好á k?退火chi?t?。考慮路程、體力種種ê因素,最後,大家決定欲來去有濟濟芬多精(Pythoncidere)ê溪頭做森林浴。
林區內面ê青年活動中心,因為全部是用hi-nó?-khih(檜木)kap杉木起造,所以房間門一開,就隨ph??-tio?h一陣hi-nó?-khih ê香味,巡一liàn了後,cha-bó?-kiá? k? chia當做是高雄,問我房間ná會無冷氣?!我k?講:暗時會kôa?到h??妳giú棉chioh被to有!
因為khah早check in,離食晚頓猶有一段時間,大家攏無想欲浪費時間,所以包袱á tànleh、布鞋á換leh,就出門lah!對都市人來講,會當t?一?大杉圍lûi ê所在散步,是一種chhia-chhí(奢侈)ê享受。經過「大學池」,阮繼續ùi「空中走廊」ê方向行。沿路行,沿路感覺歸身軀愈來愈輕鬆,林區內面ê樹木、草埔所釋放出來ê芬多精,m? 若擦消我歸工ê疲勞,koh叫醒我ê五臟六腑,h??我歸ê人攏精神起來。
若m? 是gín-á teh哀腳痠,我實在真想欲k?全部ê景點做chi?t-khùn攏k? se?h-se?hleh,按呢m? -chiah有夠khùi。喙真khi?? ê我,竟然暗頓有法度食2碗飯。食飯飽,阮m? tòe人時行,歸家伙á走去se?h妖怪村!講是為著消化calorie(卡路里),m? 知按呢講,轉了有khah g?? á-bô?
彼暗,坐t?窗á門邊久久,流戀窗外ê杉木林、竹林,感覺ka-k?好親像已經b?e-kì-tit chit-má是民國幾年ah仝款。忽然間,有一點á m? 甘睏。是thiám?Á-s?天氣涼、空氣讚?這是我最近睏tio?h上好睏ê一暝!M-免冷氣,cha-bó?-kiá?睏到棉chioh被am到頭殼頂khílih!
隔工款好行李,雖bóng猶十步九回頭,總是腹肚已經接tio?h山腳甕仔雞ê call in lah!人講「遊府食府,遊縣食縣!」來溪頭若無食chit味「甕仔雞配筍仔湯」,算是s?g一半若定!猶koh有!猴探井(舊地名,約略t?彰化芬園、南投交界)ê旺梨酥!T?猴探井旺梨酥sng-bui-á sng-bui ê氣味中,阮結束chit-kài溪頭ê旅遊。有食koh有掠!每一?人攏真歡喜chit-kài ê旅遊。歸家伙做陣遊山玩水,無煩惱!心情好!有口福!人輕可!猶有甚麼比這khah實在leh?
對我來講,頂一擺來溪頭chhit-thô,好親像是cha-hng ê代誌,總是無拍算已經是經過30冬lah!溪頭,逐工人來客去,透風落雨,b?e-bat停止,自由khi?-ch?i t?鳳凰山ê西南pêng。溪頭猶原是溪頭,伊無改變。變ê是當年hit?20歲ê少年家,經過人世間30年久ê洗禮,已經變成是一?50歲ê o?-jí-sáng lah!總是m? 管是20歲少年家á是50歲ê o?-jí-sáng,上帝應允講:祂欲導咱行m? -bat ê路徑,t?咱ê面前h??烏暗變做光明,永遠無放?咱(以賽亞書42章16節)。我會懷念chit-kài ê旅遊。
 
 
 
 
 
 
 
 
 
當年hit?20歲ê少年家。
 
 
 
 
 
 
 
 
 
 
 
 
 
 
 
經過30年ê洗禮,溪頭猶原是溪頭,我已經變成一?50歲ê o?-jí-sáng lah。