◎李南衡
早前，台灣猶農業社會ê時，生活水準無懸，而且台灣人ê生活要求真低，儉腸凹（neh）肚，只求三頓食會飽、穿會燒。過年過節以外，平常時真罕得食肉。一般人攏是k?食肉看作是一種真難得ê享受，所以，桌頂若有肉，囡仔猶嫌東嫌西，作序大ê會講：「有肉thang食嫌無菜！（? bah thang chia?h hiâm bô chhài.）」教囡仔tio?h愛知足。有ê序大人會koh加一句：「豆豉?pêng你tio?h知。（T?u-sî? peh pêng lí tio?h chai.）」意思是講有肉thang食tio?h愛知足，若無，有一工豆豉?pêng（猶m? 是歸粒豆鼓仔）配飯，你tio?h知影啥物叫作無菜。
台灣經濟起飛以後，台灣人ê生活加真好過，加上西洋飲食ê習慣傳入，各種西餐廳kah美國式ê速食店直直興起來，食肉soah變作台灣人食物中間真重要ê一部分。有可能因為大魚大肉食傷濟，食kah會畏ê程度，所以才會有一句俗語話講：「食魚食肉m? tio?h菜合。（Chia?h hî chia?h bah m? tio?h chhài kah）」
環保團體勸逐家mài食肉抑是盡量食khah少咧，舉牛肉ê例來講，平均生產一公斤牛肉，tio?h排放36.4公斤ê二氧化碳，差不多是開一台車開三點鐘所排放ê量。咱一個人一工若一頓mài食肉，tio?h會減少0.78公斤ê二氧化碳ê排放量，看起來那像無啥物，但是，一個人若一年攏mài食肉，相當於伊種了82欉樹仔。環保團體koh講，生產一公斤ê米需要用1550公升（立）ê水，生產一公斤ê大豆需要用1650至2200公升（立）ê水，生產一公斤牛肉tio?h需要5萬至10萬公升（立）ê水，全世界欠水愈來愈嚴重ê今仔日，咱敢好koh食牛肉？真濟人知影chiah-ê代誌m?繼續照食肉不誤。
營養師kah醫師k?咱講，全世界長壽健康ê人攏是真少食肉，in主要食全穀類（像講糙米、全麥、薏仁、燕麥等、m?是白米白麵）、豆仔類、綠色菜蔬、堅果種子kah各種水果。In有作統計，顯示定定食肉ê人會變作酸性體質、tio?h心臟病、中風、tio?h癌症ê機率加真懸，40歲以後會有所謂ê「三高」（高血壓、高血油、高血糖）ê機率加真懸，m? khah會得tio?h「阿茲海默症」也就是老人癡呆症，免疫力m?會大大減少。聽tio?h kah家己ê健康有關係，真濟人才開始注意，盡量減少食肉。無疑誤原本肥肥ê身軀煞變瘦，無兩個月就瘦一公斤外，那像賺tio?h幾若萬hiah歡喜，m?加真有精神起來，那像少年幾若歲。
逐個若攏盡量mài食肉抑是攏無食肉、加食一寡菜蔬水果，就無人有機會罵序細講：「有肉thang食koh嫌無菜！」時間一下久，chit句俗語話就無人會講，準有人講，m?無人知影啥意思。
