Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型，配合Firefox瀏覽器來讀
◎Hā Ú-liông （在台法國人，指導老師：高嘉徽）
Tī Tâi-oân ē-sái chia̍h hiah-ni̍h chē hó chia̍h ê chia̍h-mi̍h, sûi-sî ū chiok chōe soán-te̍k. Tong-jiân, in-ūi góa sī gōa-kok-lâng, ū mi̍h-kiāⁿ góa lâi Tâi-oân í-chêng, góa m̄-bat chia̍h–kòe.
Lēng-gōa, tī góa ê kok-ka, goán bô chia̍h ke-kha, góa í-chêng mā bô khòaⁿ-kòe lâng chia̍h hái-sim kap hái-thē. Tī Hoat-kok, goán chia̍h hiah-ni̍h chē chhàu-mi-mo͘ ê chhì-juh, tān-sī góa bô jōa kah-ì chhàu-tāu-hū kap phî-tàn (lām tī moâi lāi-té góa chiah beh). Góa chin hó-ūn, in-ūi góa tòa-tī Pîn-tong, tī hia ē-sái bé hiah-ni̍h chē hó-chia̍h-mi̍h kap liâng-chúi.
Tī chhī lāi, thang chia̍h tio̍h Tâi-oân kok-tē ê liāu-lí, chhin-chhiūⁿ hóe-ko, chúi-kiáu, pau-á, chhá-pn̄g, mī kap bí-hún.
Nā-sī góa khì kî-tha só͘-chāi, góa ē-sái chia̍h tio̍h Tâi-oân thoân-thóng ê tiám-sim, chhin-chhiūⁿ ô-á-chian, Tang-káng ê pn̄g-thng. Tī Soaⁿ-tē-mn̂g ū hó chia̍h ê Pâi-oan-chok ê chia̍h-si̍t, chhin-chhiūⁿ chio̍h-pán hang-bah kap tek-kóng-á-pn̄g. Nā-sī góa siūⁿ-beh chia̍h Kheh-ka ê chia̍h-mi̍h, góa ē-sái sái-chhia khì Bí-long. Tī hia ū ti-kha kap chhài-pó͘-nn̄g. Góa mā m̄-chai góa siōng-ài tó chi̍t ê chia̍h-mi̍h, in-ūi lóng chin hó chia̍h. Lí kám siūⁿ boeh chai-iáⁿ góa siōng-ài lim siáⁿ? Hún-îⁿ gû-ling-tê sī siàu-liân-lâng ê siōng-ài, tān-sī góa khah ài lim be̍h-á-tê á-sī tang-koe-tê.
