◎施俊州
2011年ê 9月30 chit工,我收著B?-hio?h班長ê電子批,講伊手頭有1本實驗性作品,冊名號做《定格小小的說》,看有thang過我ê手牽成h??首都詩報社(STSP)出無。我講我問看m?i,m? -kú STSP財政無穩定,chit-ch?m-á beh叫in開錢,恐驚é khah oh。是講,我心肝頭起先t? lia?h在定,叫伊放心;t?算hit-pêng無法度,我有我ê按算。
我有我ê「按算」??ka-t? khêng錢k?伊出,差無講出chhùi niâ。有影,h?? lán臆著。STSP ê頭家人h?m稿to iáu-b?e看leh t? hài?頭a。順其然,這本冊t? chiâ?-chò gún讀冊會LeftTG Society(台語左社)叢書ê lám-bá-oán,「siáu」小說ê第1號。Che tàu-té是gún左社ê榮光,ia?h-s? B?-hio?h班長ê榮光?
講著「在定」,che是有心理基礎ê。無ti??有人?講我hèng出版。實在無影!我ka-t?有leh寫論文、創作ê人,n?講h?? lán ?信得ê出版社chhoân便便,講beh k? lán出冊koh有版稅thang領,án-ne我ti??-tio?h ?「hèng」。Ah n?講ài我ka-t?出錢,或者像地方文化局beh k? lán出無錢(版稅)ê;án-ne,我量可h?? ka-t? chiâ?-chò「深山林內無人知ê大樹」,h?? hiah-ê「偉大」ê作品kh?g leh爛、kh?g leh àu。
Ta?,冊別人ê,lán ài koh出工編輯、出錢印刷;印好,ài koh chhoân 1條10%ê h??人領版稅。Chit-l?頭路,我khah g?ng to b?去做!是án-choá?我hit-ch?n心「在定」,chit-ch?n leh做「g?ng t?i-chì」leh?「Kho?k門ê,ti??-tio?h beh k?開門。」M-chai寫t?聖經tah-lo?h ê chit句話有讀入耳;心「在定」,ti??-tio?h來自我kap B?-hio?h班長ê關係。
B?-hio?h班長是Tayal chit族ê,ke我2歲,toà t?台中ê山內tau。2004年,我協助文學館ê同事雅雯辦原住民文學冊展、khà電話熟s?iê。Chûnnî 6月28 chiah見頭1 piàn面;舊年11月初2,為著beh討論chit本Siáu-siáu-á-soat ê編印頭路kap雙人ê「權利義務」,sa?約t?府城成大hit kho?-le?h-á食早t?g、lim咖啡,正正頭二回見面。
Ta?-á sio-bat ê 2004年,B?-hio?h班長t?玉山神學院leh讀教會與社工系二年á。2005年中我讀博士班、2010年論文通過口試,出業kàu ta?「l?ng-liú-lian」冬半beh出chit本冊,B?-hio?h班長chiah講伊chit學期ti??-tio?h ài暫離in bó?(排灣族)ê後頭厝??屏東縣獅子鄉,t?g去玉神完成道學碩士ê學業。在我想,B?-hio?h班長kap我kâng款,長久lóng koh t?「l?ng-liú-lian」??世俗人講ê「趁無食」、無在p?n職業ê狀態。伊有影需要chit 10% ê版稅t?g玉神「tàu sa?-thi?」。Ah我,需要1 ê有thang發揮淡薄á「才情」ê機會: 
我ê錢銀獻h???
用出lóng趁?旨意
我ê才情?賞賜
甘願hêng?做器具
我ch?ng早(1998~)t?信耶穌,是講lóng iáu-bo?領洗,t?是人講ê「慕道友」。2000~2003年稅厝t?壽豐教會,ke減?去做禮拜,si?ng kah-ìê t?是聖詩306B第4 pha。Chit-ch?n toà台南鹽埕,鯤鯓教會sui-bóng少leh行kha-kàu,m? -koh便n?去hia唱306B,心情kâng款感動。斟酌k?想,he是1款長久l?ng-liú-lian ?g耶穌kho?k門ê心理狀態。
B?-hio?h班長自稱「僕人」,信仰生活chiâ?虔誠。Lán sui-bóng kap伊b?比chit,m? -koh我信chit套。我信傳道者、信徒兄姊代禱ê「權威」,或者講善意,he是1種t?算我ti??-ti??無去教會、m? -kú鯤鯓教會ê蔡牧師?放心代禱ê「信任」,1款社會人khah欠khoeh ê sa?-kap關係。我想,當原初lán在定ê心理,t?來t? chit-l?信任、善意kap「權威」。
《定格Siáu-siáu-á-soat》有thang來出版,t?在t?我chham B?-hio?h班長ê chit-l?關係。Chiâ? tú-á好,ùi B?-hio?h班長ka-t?講ê話來看,chit本Siáu-siáu-á-soat ?-sái講是2大理念ê產物,有ha?h gún LeftTG ê理路:原住民文學下鄉ê運動策略,以及少數民族多語文書寫ê文化位置。台語文學運動在來t?有3種並存ê策略精神:在地、民族kap多元。屈守「在地」ê社群主義精神,甘願寫無(少)人讀、無稿費thang領ê書寫行為,原底t?超越主流文學ê「商業道德」;éng-éng h??華語人phì-siù?、oè-soè(污名)ê民族性,透過少數(minority)聯盟、多語言對話,有thang得著良性ê強調kap發展。講kàu chia,lán t? ài感謝南庄ê客家兄弟邱一帆??Phângá ê義務翻譯。?g-b?ng che是多元sio放伴ê開始。
N?講Siáu-siáu-á-soat chit-l?文類,tàu-té án-choá? siáu-siáu-á SOATê,ta?k-ê chiah sa B?-hio?h班長ê頭1本小說《Pin-h-knyal na Tayal》(台中:晨星,1991)出來比較看m?i,讀看án-choá?「siáu」、「siáu」無kâng。
 
 
 
 
 
 
 
台語左社叢書第1號:客、台、華語對照,《定格小小的說》(Siáu-siáu-á-soat/Se-se-e-kong)按算5月初5出版。定價120 kho?,歡迎預訂(5本以上,有優待)。請聯絡施俊州:0973-094277,lefttgsociety@gmail.com。